Kgomo, Podi le Ntja ba ya toropong ka tekisi ho ya reka.

Kgomo a reka thelebishene.

Podi a reka kobo.

Ntja o ne a batla ho reka dieta tse ntjha, empa o ne a se na tjhelete e lekaneng.

Metswalle ena e meraro ya kgutlela hae ka tekesi.

Na o bone Kgomo a eme naheng a sa etse letho?

Ke hobane o ntse a nahana ka thelebishene ya hae.

Na o bone Podi a balehela dikoloi?

Ke hobane o kgathatsehile hore kobo ya hae e ka utsuwa.

Na o bone Ntja a lelekisa dikoloi?

O batla ho ya toropong hobane jwale o na le tjhelete e lekaneng ho ithekela dieta.