Huyu ni Mpaka.

Huyu ni Chughe.

Mpaka na Chughe wayowa nzee yeḍi dyarisha.

Wayowa nzee yeḍi dyarisha.

Huyu Mpaka na Chughe waona kipfepfeyo!

Hikipfepfeyo cha ranji ya kitweo.

Mpaka na Chughe wanatsaka kukigija hikipfepfeyo.

Mpaka na Chughe wakiuḅa hikipfepfeyo.

Wakiuḅa hikipfepfeyo.

Mpaka na Chughe wakiuḅa hikipfepfeyo na maguu. Wakiuḅa hikipfepfeyo.

Ela hikipfepfeyo kikichiya mbio. Hikipfepfeyo kinambio muno hali Mpaka na Chughe niwampowempowe. Niwampowempowe muno.

Mpaka na Chughe wakiuḅa hikipfeopfeyo na basikili. Wapfiika kukiuḅa hikipfepfeyo.

Ela hikipfepfeyo kiwa na mbio. Hikipfepfeyo kiwa na mbio muno, hali Mpaka na Chughe niwampowempowe. Niwampowempowe muno.

Mpaka na Chughe wakiuḅa hikpfepfeyo na gari. Wavuruma kukiuḅa hikipfepfeyo.

Ela hikifepfeyo kiwa na mbio. Hikipfepfeyo baḍo kinambio muno, huyu Mpaka na Chughe niwampowempowe. Amale niwampowempowe muno.

Mpaka na Chughe wakiuḅa hikipfepfeyo na ḅoti. Watsuunya kukiuḅa hikipfepfeyo.

Ela hikipfeopfeyo kiwa na mbio muno. Hikiipfepfeyo kiwa na mbio za adyaḅu, huyu Mpaka na Chughe wampowempowe. Ḅaḍo wewa mpowempowe adyaḅu.

Mpaka na Chughe wakiuḅa hikipfepfeyo na baluna. Waguuka kukiuḅa hikipfepfeyo.

Ela kipfepfeyo kiwa na mbio. Hikipfepfeyo ḅaḍo kina mbio nyinji muno za maadyaḅuni, hali Mpaka na Chughe wewa mpowempowe. Wewa mpowempowe viwi muno.

Mpaka na Chughe wasumama. Wasumama na wakaa chihako. Wakaa nsii ya muhi.

Wakaa chihako nsii ya muhi mkuu.

Lakini baaḍaye…

Waona kipfepfeyo kimodza muhini.

Waona vipfepfeyo viwii muhini.

Waona vipfepfeyo vihahu muhini.

Waona vipfepfeyo gana!

Kaa naghea Mpaka.

Kaa naghea Chughe.

Kaa naghea vipfepfeyo.