Sami a thayari kwenda tauni madzach'a ga rero.

Mameye anatseka, "Ro basi rindafika saa tahu kamili za madzach'a."

Sami adzarauka zhomu, adzafika masaa mairi mapema!

Sami na mameye mafika kituo cha basi saa mbiri na dakika mirongo mine na ts'ano za madzach'a.

At'u angine nao makudza ho kituo cha basi kabila ya saa t'ahu za madzach'a.

Baada ya nusu saa mere machere manandhariza.

Sami were ana wasiwasi. Wakala anaaza kukala hangine ro basi ridzanongeka.

"Hangine k'afundakwenda ko tauni vivi rero. Hangine sindapata nguo mbisha za sikuli."

Irihofika saa t'ahu na dakika mirongo mine za madzach'a, at'u angine makikata thamaa. Makikwacha kuuya midzini kwao.

Sami waandza kurira. Mameye akimwamba, "Richa fundharize vichache."

Vichache, zhenye makisikira mururumo.

Basi rikudzani!

Basi rafika saa ne kamili za madzach'a.

"Ngirani! Ngirani!" Dhereva anaiha. "Fudzachelewa zhomu rero!"

At'u machangira kwenye basi na kukelesi vihini.

Basi rinauka kituoni were ni saa ne na dakika kumi za madzach'a.

Mameye Sami wauza, "Rino basi ra mutsana rinambola saa nyingahi?"

Ye dhereva akimudzigidzya akiamba, "Ro basi ra rangi ya buluu rinambola tauni saa nane na nusu za mutsana."

Sami anaaza, "Fundafika tauni saa ts'ano kamili za madzach'a."

Vidhe fundakala na mudha wani ko tauni kabila ya ro basi kuuya?" Sami anangalala.

Maswali zaidhi:
1. Yuno Sami wakala thayari wakathi wani kuuka
ho madzach'a?
2. Yuno Sami na mameye mandhariza basi kwa
mwidha wani?
3. Ro basi rachelewa kwa dakika nyingahi?
4. Ro basi rahala dakika nyingahi kufika ko tauni?
5. Sami na mameye mandafika mudzini saa
nyingahi kala ro basi ra buluu rindambola kwa
wakathiwe?