Efiku limwe, Meme okwa landa oiimati yomaludi a yooloka.

"Oiimati otai liwa efimbo peni?" osho twa pula Meme.

"Otai liwa konguloshi," Meme tati.

Omukulu wange Rahim okwa fuka.

Oiimati aishe okwe i lola. Ihapu okwe i lya po.

"Tala eshi Rahim a ninga!" okandenge kange osho ka ingida.

Ame handi nyamukula, "Rahim iha lombwelwa yee okuna efukutu."

Meme okwa li a handukila Rahim.

Nafye otwa li twa handukila Rahim.

Ashike Rahim ka li e wete e na epuko lasha.

"Rahim ota pewa ngoo ehandukilo?" okandenge kange taka pula.

"Rahim, oto lipe ombedi paife," Meme osho e mu kunghilila.

Rahim okwa hovela e he udite nawa.

"Oha ndi vele medimo," Rahim ta nongofola.

Meme oku shii eshi tashi vele Rahim.

"Oiimati oyo ta i feta Rahim ngaho," osho eli popila.

Konima yefimbo Rahim okwe tu pa ombili. "Oufukedi onde u tula po," osho a udaneka.

Otwa mona kutya okwe li pa ombedi shili.