Ka letšatši le lengwe, mma o ile a reka dienywa tša go fapafapana.
"Na re ka ja dienywa neng?" ra botšiša.
"Re tla ja dienywa bošegong bja lehono," mma a realo.
Buti wa ka Maja ke sejato.
O lomile dienywa tše ka moka e le ge a re o kwa tatso ya tšona. O jele bontši bja tšona.
"Bona gore Maja o dirile eng!" gwa realo buti wa ka yo monnyane ka go bolelela godimo.
"Maja o a seleka ebile ga a naganele batho ba bangwe," ka realo.
Mma o be a befeletše Maja.
Le rena re be re kgopišitšwe ke Maja.
Efela Maja yena o be a se na boitsholo.
"Na o ilo otla Maja?" buti yo monnyane a botšiša.
"Maja, o tla itshola go se go ye kae," mma a mo lemoša.
Maja a thoma go se ikwe gabotse.
"Mala a ka a bohloko," Maja a bolela ka go sebaseba.
Mma o be a tseba go re ke ka lebaka la eng Maja a be a lwala.
"Dienywa di otla Maja," a nagana bjalo.
Ka morago, Maja a kgopela tshwarelo mo go rena. "Nka se sa ba sejato gape," a tshepiša bjalo.
Re ile ra mo tshepa.