Lehono ga ke ye sekolong. Ke letšatši la maikhutšo!
Lehono ga ke ilo bogela thelebišene. Ga go na mohlagase.
Na ke ilo dira eng?
Lehono ke ilo theeletša mmele wa ka!
Sa mathomo, ke swanetše go homola. Gore ke kgone go theeletša mmele wa ka.
Ee, bjale ke kgona go kwa le ge ke hema.
Ke gogela moya ka gare le ka ntle, ka gare le ka ntle.
Nka kgona go hemela godimo. Ssssssssssssss!
Le tlase. Mmmmmmm!
Bjale ke kgona go kwa pelo ya ka ge e betha!
Doodom, doodoom, dooo dooom!
Na nka kgona go dira pelo ya ka gore e bethe ka lebelo, goba e bethele godimo?
Ee, ka go tabogela godimo le fase ga masomepedi.
O a bona bjale, pelo ya ka e betha ka lebelo.
Ge ke bea menwana ya ka godimo ga lenakaila, ke kgona go kwa morethetho wa ka!
Ke kgona go ikwa ge ke sega.
Haha, haha, haaah, haaa!
Ke kgona go ikwa ge ke lla.
Hihihihihi!
Ke kgona go ikwa ge ke betha matsogo.
Pšha, pšha, pšha!
Ke kgona go kwa mala a ka ge a menagana!
Guddu! guddu, guddu!
Mala a ka a re, "Mphe dijo!"
Nko ya ka e kgona go dupelela monkgo wa dikhekhe tšeo mma a di pakago ka moraleng wa gagwe!
Bjale ke nyaka go kwa mehlagare ya ka e sohla dikhekhe tšeo!
Translation - Dikeledi Queen Shai
Illustration - Angie and Upesh
Language - Sepedi
Level - First sentences
Creative Commons: Attribution 4.0
Source www.africanstorybook.org
Original source www.prathambooks.org
