Sijeziso
Adelheid Marie Bwire
Melany Pietersen
Siswati

Ngalelinye lilanga, make watsenga titselo letehlukehlukene.

1

"Sitotidla nini titselo?" sabuta.

Make watsi, "Sitotidla namuhla ebusuku."

2

Umnaketfu Rahim usimiti.

Wanambitsa tonkhe titselo. Watidla kakhulu.

3

"Buka kutsi Rahim wenteni!" kumemeta umnaketfu lomncane.

"Rahim akeva futsi uligovu," kusho mine.

4

Make wamtfukutselela kakhulu Rahim.

5

Natsi futsi samtfukutselela Rahim.

Kodwa Rahim akazange atisole.

6

"Utomjezisa yini Rahim?" kubuta umnaketfu lomncane.

7

"Rahim, utawutisola masinyane," kucwayisa make.

8

Rahim wacala kungativa kahle.

9

"Sisu sami sibuhlungu," kuhleba Rahim.

10

Make bekati kutsi yini lena leyenta Rahim agule.

"Letitselo tiyamjezisa Rahim," wacabanga.

11

Ngekuhamba kwesikhatsi, Rahim wacolisa kitsi. Wetsembisa watsi, "Ngeke ngiphindze ngibe simiti."

Samkholwa.

12
You are free to download, copy, translate or adapt this story and use the illustrations as long as you attribute in the following way:
Sijeziso
Author - Adelheid Marie Bwire
Translation - Mduduzi Benjie Shongwe
Illustration - Melany Pietersen
Language - Siswati
Level - First sentences
© African Storybook Initiative and Molteno Institute 2014
Creative Commons: Attribution 4.0
Source www.africanstorybook.org
Original source