Lamuhla angiyi esikolweni. Liholidi!

Lamuhla ngeke ngiyibukele i-TV, njengobe gesi ungekho.

Yini lengitoyenta?

Lamuhla ngitolalela umtimba wami!

Kwekucala, kufanele ngithule dvu! Kute ngikwati kulalela umtimba wami.

Nako-ke, nyalo sengingakwati kuva nangabe ngiphefumula.

Ngiyaphefumula ngidvonsa umoya ngiphindze ngiwukhiphe, ngiyawudvonsa ngiphindze ngiwukhiphe.

Futsi ngingaphefumulela etulu. Sssssssssssss!

Bese ngiphefumulela phansi. Mmmmmmm.

Nyalo sengingayiva inhlitiyo yami nayishaya!

Doodom, doodoom. Dooo doom.

Ngingakhona yini kwenta inhlitiyo yami kutsi ishaye ngekushesha nobe ibe nemsindvo?

Yebo, ngekutsi ngizube ngiye etulu naphansi tikhatsi letingemashumi lamabili.

Buka-ke nyalo, inhlitiyo yami seyishaya ngekushesha.

Nangibeka iminwe yami esihlakaleni, ngitokwati kuva kushaya kwenhlitiyo yami!

Ngingakwati kutiva nangabe ngihleka.

Haha, haha, haaah, haaa!

Ngingakwati kutiva nangabe ngikhala.

Hhiiiiii, hhiiiiii!

Ngingakwati kutiva nangabe ngishaya tandla.

Klap, klap, klap.

Ngingasiva sisu sami nasenta umsindvo lomkhulu!

Guddu, guddu, guddu.

Sisu sami sitsi, "Ngiphe kudla!"

Likhala lami liva liphunga lelimnandzi lemakhekhe labhakwa ngumake edladleni.

Futsi nyalo sengifuna kuva imihlatsi yami nangabe seyihlafuna lawo makhekhe!