Lona NguKati.

Lena Yinja.

Kati Nenja bavula sivalo. Bavula sivalo sendlu yabo.

Kati Nenja bayaphuma endlini yabo.

Kati Nenja bayahamba.

Bahamba etjanini. Bahamba emkhatsini wetihlahla. Bahamba bancamula ehlatsini.

Bese bayema.

Kati Nenja babona luphawu. Babona luphawu esihlahleni.

Kati Nenja babuka loluphawu. Babuka emagama lakuloluphawu.

Kati Nenja bayafundza.

Bafundza luphawu lolutsi, 'caphela lijazi.'

Kati utsi, "Yini lijazi?"

Inja itsi, "Lijazi libhantji."

Bokati Nenja abaliboni lijazi.

Bese bayahleka.

Bahleka loluphawu.

Bahleka loluphawu lolungawenti umcondvo.

Kusenjalo lamagama ayashintja!

Kati Nenja bayafundza.

Bafundza loluphawu.

Lutsi, 'caphela ligilebisi.'

Kati utsi, "Yini ligilebisi?"

Inja itsi, "Ligilebisi sitselo."

Bokati Nenja abaliboni ligilebisi.

Bese bayahleka.

Bahleka loluphawu.

Bahleka loluphawu lolungawenti umcondvo.

Kati Nenja babuka loluphawu. Babona imisundvu kuloluphawu. Lemisundvu ishintja emagama!

Kati Nenja batsatsa lemisundvu. Batsatsa lemisundvu bese bayayilahla.

Kati Nenja bayafundza.

Bafundza loluphawu, lutsi, 'caphela imfene.'

Kati utsi, "Yini imfene?"

Inja itsi, "Imfene yingobiyane lenkhulu."

Kati Nenja babona imfene. Bokati Nenja bakhomba lemfene.

Lemfene yinkhulu. Lemfene yinkhulu kakhulu.

Kati utsi, "Baleka!" Inja itsi, "Baleka!"

Kati Nenja bayagijima. Bayabaleka.

Kati Nenja bayagijima babuyela endlini yabo.

Bokati Nenja bavala sivalo.

Bavala sivalo sendlu yabo.

Usale kahle Kati.

Usale kahle Inja.

Usale kahle mfene.

Nisale kahle misundvu.