Koko o tla go eta. Ka mehla o tlela Thabo dimake le dienywa tša nageng goba mafela le legapu.

Thabo o nyaka go fa koko se sengwe se se kgethegilego.

Puku e be e ka ba mpho ya go ratega, na koko o tseba go bala?

Ge a ka ya mabenkeleng, a ka hwetša se sengwe se se botse?

"A re mo direleng mokotla," gwa realo Thabo ka myemyelo. Mokotla wo mogolo wa go dirwa ka lešela la pokate le letalalerata.

Mma o ntšha lešela leo ba le rekilego lebenkeleng. A phurulla paterone gomme a thoma go le sega.

Sa mathomo, mahlakore a mabedi a bohlokwa ke a magolo ebile a bulegile.

Gomme a mabedi a mannyane ke a go re neela sebopego.

Thabo a phutha mahlakore a magolo mmogo. A lebelela ge Mma a tšea paterone gape.

A sega bofase bja yona ka diripa tše pedi. Se ke sona seo se tlo go dira gore mokotla o tie.

Thabo a di mena ge Mma a tšea paterone gape.

A sega marala a mane a matelele a makoto.

A mabedi a tla rokelelwa mmogo go dira lerala le tee. Se se tla dira gore mokotla o tie ka go fetiša.

Bjalo Mma a ntšha motšhene wa go roka.

A kgomaganya diripa ka moka go direla Koko mokotla.

A e neela Thabo yo ka myemyelo a rego: "Ke a leboga Mma, ka mokotla wa Koko wo motalalerata!"