Ili lyashi lyakwa Kasunga neefyo aaleesunga inama shanshiwa.

Umweshi uwapwile waali neencito sana uko kucende basakamanina inama. Uwaatampilile ukufika ni Nomsa. Aali noomwaka umo. Nomsa aali uwaonda kabili aali noobulanda.

Tapapitile nanshita, Nomsa aaliba namaka. Aalitampa ukwangala neenama shimbi.

Ubushiku bumbi muli ulya wine umweshi, indeke ya pakapaka yaalifika pang'anda yanama.

Mundeke ya pakapaka mwali akansofu akanoono naabakafimba noobulangeti ubukulu. Ishina yaali ni Ndiwa.

Ndiwa aali neenshiku shisaano. Kasunga aaleelisisha Ndiwa kwibotolo.

Bushiku bumo bonse baalibabusha nookufika kwakwa Ambia, Ndyabuluba.

Ambia aali neemweeshi shisaano. Aalinaka panuma yalweendo ulutali.

Pamulandu wamukoshi uutali, Kasunga aikatile ibotolo pamulu pakulisha Ambia.

Inama shanshiwa shalekeleshe ukufika ulya mweeshi tubana twa nkalamo tutatu. Amashina twali Kopi, Kepi elyo na Keji.

Kasunga naabamwafwako baalitemwa inama shonse ukulundapo neeshishumfwa.

Abantu bakung'anda yakusungungila inama shanshiwa balabombesha sana. Balacetekela ati bushi bumo inama shanshiwa ishi shikatampa ukuisakamana pasheka. Panuma yaifyo kuti shabwelela mumpanga.