Sam naipekanya ukuya kutauni muno luceelo.
"Saca ileeisa fye pa 9 koloko," banyina baaseka.
Sam aipekeenye ninshi kwashala insa shibili!

Sam nabanyina baafika kucitesheeni ca saca nenshita ya 8:45 uluceelo.

Abantu abengi bafika kucitesheni lilya 9 koloko ishilakumana.
Inshita iitali yapita ukwabula ukuti saca uyu ese. Abantu bonse baleeloleela.

Sam aasakama. "Limbi saca naifwa," efyo atontonkanya.
"Limbi tatwaye kutauni leelo. Limbi ilaya lyandi ilya kusukulu talyashitwe."

Lilya inshita yafika 9:45 abengi banaka babwelelamo kumayanda. Ukumoneefi, Sam atampa ukulila. "Twalaloleelako panoono," efya balanda.banyina

Tapaapitile nshita, baumfwa icongo.

Saca yaisa!

Saca afika pacitesheeni nenshita ya 10 koloko.

"Nineeni! Nineeni!.Twacelwa lelo!" Namutekenya efyo apuunda.

Abantu baanina muli saca nookwikala.

Saca yaima pacitesheeni neenshita ya 10:10 uluceelo.

"Ninshitanshi yalabako saca yakubwela nayo?" banyina Sam baaipusha.
Namutekenya aatile, "Saca ya makumbi-makumbi ifuma mutauni neenshita ya 2:30 akasuba."

Sam aatontonkanya, "Twalaafika mutauni neenshita ya 11 koloko."
"Mwati twalaikalamo neenshita iitali?" Sam aasakamana.

1. Ninshitanshi Sam ayipekenye ukuya uluceelo?
2. Sam na banyina baloleele saca neenshita iitali shani?
3. Saca yaceelelwe nenshita iitali shani ukufika?
4. Bushe saca isenda inshita iitali shani ukuya kutauni?
5.Saca wa makumbi-makumbi nga afuma mutauni panshita iilingile, bushe Sam na banyina baleeya fika nshita nshi kung'anda?