Ipuri, mwalapwa, ni imope waari umpwana venci cinene. Nihuku nimoca, yahokhumaca wamoca arwaaka uweettakacani nkaaroni.
Waaphiyacilyaya nipuro naaleehaninye, soofeeru uyo aholepela uliviya. Vano imope yaholiva mphantte aya.
Mwalapwa uyo ahovaha ncurukhu woopwaha waahiminye, kontha khaarina ituruka.
Vano soofeeru ukati waaphavelaawe ukumiha ituruka wiira anvahe mwalapwa, ipuri yahokhuma itthawaka woohiliva.
Soofeeru uyo ahoviruwa venci. Ahokhuma woohinvaha ituruka mwalapwa uyo.
Phimaana, mpaka ileelo vaa, mwalapwa naatthawelela ikaaro nnyo awehaka nhina mmo wiira amoonanane soofeeru nonlokihaawe ituruka.
Ipuri yeewaka irumaka ikaaro inaatthawa. Iyo inawoova utthukiya nlattu woohinliva soofeeru.
Vano imope khinoova yoonaka iwaaka ikaaro. Imope inaattupulaniha iparapaara woohoova kontha inaacuwela wiira iholiva mphantte aya.