Elupa yaakhole ni Ekonya yaapaka onthamwene aya.

Yaawo yaathata vamoha. Yaalya vamoha. Ichu soothene yeerano vamoha.

Nto nihiku nimoha, Ekonya yaatepa wiiceliwa enahaawela okhwa.

Ekonya yoonnaaya wi yootepasha wiiceliwa yaaya wanamuku, yoowo aloca ariki waachunaka openuwa okhuure emece ya elupa.

Ekonya yiiwalaaya yaatepa othanana.

Hiyaarino makhalelo makina aweera voohikhala omukhuura enthamwene awe Elupa.

Nto Elupa yaavinyaalaaya eyaaka omoona nthamwene aya.

Ekonya, yaamuyara nthamwene aya oculi, emukeriha vachiyani nawiisha na muhice.

Ekonya yaahi: "Namuku ookileela wi kaachunaka openuwa kookhuure, nthamwene."

Elupa yaahaakhula eriki: "Hooye nthamwene, ohikikhuure miyo kootepa oyeva. Owehererye elukuluku yavakhaani kinamuwiichana amunna. Yaawo aatepa winnwa okipwaha miyo. Vaavaa onamuvona."

Hiihaa Ekonya yaahi: "Ari woowi amunnaa?"

Elupa yaahi: "Ari mwiiri ole ori weevilivili vale."

Hiihaa Ekonya yaahi: "Waakelele wi miyaano kaakhuure."

Elupa yeele yaacupha oculi weiwe wa Ekonya eya makupaaya. Echimaka ewela mmwirini, ekhala mwemmo.

Ekonya yaawehererya. Ehinoona Elupa erwaaka.

Ala yaari makuchuwelo a onthamwene.