Kale saana, pakafaamu akanoono mupeepi na kamushi akanoono.

Paikele akakoko akanoono akeeshina lya Daisy.

Daisy atiile, "Nganakula, ndefwaya nkapupuke mpaka nkafike muulu.

Ukumfweefyo, inkoko shibiye shaalikasekele.

Ashiti, "Waliibeela iwe. Tatwakulaangala noobe."

Banyina nabo abati, "Iwe, Daisy, bonse kuti twapupusha amapindo, lelo teti tupupuke. Caalyafya."

Daisy ena, taaleekele nakalya. Aaleesha ukupupuka inshiku shonse. Aaleepupusha amapindo, pupu, pupu, pupu, leelo ukutila eeme afume pamushili, aalifililwe.

Aaleelenganya ifyo engamoneka mulwelele pakupupuka uku aaleelolesha inkoko shibiye panshi neefyo engalapita utuuni utwapusana-pusana mumuulu. Ifyuuni kuti fileeti "Iyee! Inkoko iipupuka!

Pupu, pupu, pupu, cila bushiku Daisy aleepupusha amapindo.

Aaleti nga aaima ukufuma panshi, kabili, luntuuu! Apoona.

"Nshakatale mpupukapo. Ifyo inkoko shinandi shilanda fiishinka," Daisy aliliile kuli banyina.

"Daisy, walipusana neenkoko shimbi. Inkonko shimbi ishi tashifwaya kupupuka, leelo iwe ulafwaya! Kuti wapupuka," e banyina.

Ubushiku bwakonkelepo, Daisy aaninine pamuulu wa citele nookwesha ukupupuka. Aapupwishe amapindo, pupu! Aapupukile mulwelele, aya aaleepupusha amapindo, mpaka…

Luntuuu!

Inkoko shibiye shalisekele saana. "Ha ha ha! Twalikwebele! Inkoko teeti shipupuke!"

Ubushiku ubwakokelepo, Daisy teewakuleka iyoo. Aaninine pamuulu saana ukucila, pamuulu wakayanda kakonko. Pupu, pupu, Daisy aapupwishe amapindo.

Aapupukiile mumwela nookupupusha amapindo, elyo aapupusha amapindo, nookupupusha amapindo elyo…

Aakonkenyepo ukupupuka! Umwela munshi yamapindo yakwe waalikuliileko, icalengele ukutila apupukishe. Ifyuuni fimbi fyatile, "Icisungusho! Inkoko ileepupuka!"

Ukumoneefi, inkoko shimbi nasho shaleefwaya ukuba ngayena.

Shatile, "Iyee, kwena Daisy uli wafisungusho!"