Kῖrũngamo kῖa ngarῖ gῖa ntũũra yetũ kῖarῖ na antῖ na mbasi ciũjũrῖtue. Nthῖgũrũ nῖ kwarῖ na into bingῖ bibingῖ bia kũbokera. Ekῖri antũ na mῖrigo bagῖtũmaῖria naarῖa mbasi cῖetῖte.

"Taũnῖ ῖnene! Taũni ῖnene! Gwῖta bwa rũgũrũ!" Ndῖraigua ũmwe agῖtũmῖria. Iῖu nῖyo mbasi ῖrῖa ndendaga gwῖta nayo.

Mbasi ya taũni ῖnene yarῖ akuῖ kũjũũra, ῖndῖ antũ bangῖ babaingῖ no bendaga gũtonya. Bamwe barekira into biao ruungu rwa mbasi. Bangῖ barabῖῖka rũtarene rwa mbasi ndeene.

Eeti baberũ bagwete tigiti ciao nabo bagicwaga agũkara mbasine yũjũri. Ekũrũ na twaana tũniini bagῖtwiikaga bwega nῖũntũ bwa rũgendo rũraaja.

Ndῖrairogonyeeria ndene akuuῖ na ndirisa. Mũntũ ũrῖa wakari akuῖ nani ni awete bũbwega mũbuko jwa rangi ya mabũũra. Ekῖrῖte chabũng'a ῖnkũrũ, ῖgoti rῖthiri, na nonanagia arῖ na ũguaa.

Ndῖratega oome ya mbasi nakwona ka mpumῖte ntũũra yetũ naarῖa nkũrῖrῖte mbῖtῖte taũnῖ ῖnene.

Kũbokera into kũrathira na antũ barakara nthῖ. Eendia ba into nabo nobendagῖria eeti. O ũmwe agῖtũmaῖria biria endagia. Marῖῖtwa jaarῖ mageni kῖrῖni.

Eeti bamwe baakai baragũra bia kũnyũa, bangῖ bia gũtakuna na barῖa. Bataarῖ na mbeca ta ũũni ka bategaga akῖ.

Mantũ jau jonthe oamwe na sauti ya mbasi biarῖ rwano rwa atῖ tũrῖ akuũῖ kwambῖrῖria gwῖta. Eekῖri antũ mbasine nabo bakῖῖraga eendia ba into baumare.

Eendia baracukumana bakiumaraga mbasine.
Bangῖ bagῖcokaῖria eeti matigari ja mbeca ciao.

Mbasi ῖrambῖria kuuma gῖtuone nani ntegerete ndirisene nkῖuragia kethῖra karῖcoka ntũũra yetu kaῖrῖ.

O rũgendo rwῖtῖte na mbere, mbasine ndene kcragῖa na mũruutῖra jũmwingῖ. Ndῖramincia nkῖthũganagia nkamama.

Ĩndῖ mathũganio jakwa jaracoka nja yeetũ. Ntῖῖwe agakara bwega? Tũgitũũjũ twakwa tũkoona mbeca? Mũtanocia akariikana gwῖkῖῖra tũmῖtῖ twakwa rũũjῖ?

Ndῖ njῖrene nῖireta nkiirikanagia gũntũ kũria mũntwetũ akaraga ndene ya taũni ῖnene. O orio oorio ndῖrawatwa nῖ toro na ndῖramama.

Nyuma ya mathaa kenda, ndῖrokῖῖrua nῖmũrurumo jũmũnene antũ bakiũragua ba gũcoka ntũũra yetũ. Ndῖrajũkia kamũrigo gakwa na kumagara mbasine.

Mbasi ya gũcoka gwetũ yojũraga na mpwῖ. Kagita gatῖ kũraaja ῖῖkambῖria rũgendo rwa gũcoka bwa gaiti. Ũntũ bũrῖa bwarῖ bwa bata kῖrῖni nandῖ, nῖgũcwa nyomba ya mũntũwetũ.