Kanyi-a Kǝri-a Fe-a
Fabian Wakholi
Marleen Visser
Kanuri

Kanyi-a Kǝri-a Fe-a sandi zauro sawa linta.

Yin laa takshin bǝlaroro caluwo.

1

Datǝram bǝlaronzabero najaanya.

Matomaye sandiro kungu matobe kuduwuro ciworo.

Fe kunguna matobe alujiwo.

2

Kǝri sutkowu kaino, sawawun nanzǝn adudu kalkaldǝ babero.

3

Matomaye kǝriro badalnzǝ cinlan.

Sadǝn, kanyiye kunguna aduzǝnyiro kaso gowo.

4

Matoma zauro gǝrawono karǝgǝnzǝ kuttua.

Matonzǝ gǝrzǝ lewono, badal kǝribe cinyiro.

5

Adǝro, kǝri suro matobe lottǝyinnaro kadujindǝ ku yayero.

Matoma kungunaro zǝgaidǝga mataro.

6

Kanyiye kowo matobero sǝgashin.

Ritǝ wande shiga kungunadǝ alutǝgǝro satanyiro.

7

Fe matowason lambinzǝ bawo.

Fe hangalnzǝn sǝretsǝ lai / kalo farjin.

Kungunanzǝ kamilro aluzǝnaro nozǝna.

8
You are free to download, copy, translate or adapt this story and use the illustrations as long as you attribute in the following way:
Kanyi-a Kǝri-a Fe-a
Author - Fabian Wakholi
Translation - Mohammed Alhaji Modu
Illustration - Marleen Visser
Language - Kanuri
Level - First paragraphs
© African Storybook Initiative 2018
Creative Commons: Attribution 4.0
Source www.africanstorybook.org
Original source