Diyuwa dimweya pa muraka pepi nomukunda.

Pa tungire katjigho tjigho ko dina Daisy.

"Apa na kukura, Nashana kutuka, kutuka muwiru kushakayenda," gha ghambe Daisy.

Shushwa dhodhihe dha muhekire.

"Gho thimango we," dhighambe dhodhihe. "Atwe ne mbadi sho tupepe noye karo."

"Daisy, twahe kukona tu kupura kupura mando ghetu ene ghukukutu twe twa shushwa mu kutuka," Dyo ghamutongwere nyina.

Daisy mbadi gha kutapire. Kehe diyuwa nga kudeghuranga thinda, pa kukupura kupura mando ghendi. Kupu, kupu,kupu, kukupaghura mango ghendi ene mbadi wa kuyeyuka gha tunde pamuve.

Pa kukudeghura, ghaghayara edi ghana kutuka muwiru kundagha ndagha no kumona shushwa pamuve. Ghaghayadhara edi ghana kupita yishambamvura, no yipungu. "Mawe" Yinyunyi yina kughamba. "Shushwa naye kutuka!"

Kupu, kupu, kupu kehe diyuwa Daisy ku kupaghura mando ghendi.

Aye kuyeyuka kamanana no kuwa karo.

Mbadi mbo nituka! gha direre Daisy kwanyina. Hamwe ne mughushemwa hadi.

Daisy owe ne wa kutjaka no shushwa dhimwe. Adho mbadi dha shana kutuka ene we ne washana kutuka! Kukona ghutuke," ghaghambe nyina.

Diyuwa dimweya Daisy ghadhinine pawiru dho thikora thoshushwa kupu, kupu, kupu gha kupaghura mando ghendi. Gha tuka muwiru no kukupura mando ghendi no kukupura mando ghend no kukupura mando ghendi no...

BOYO!

Shushwa dhimweya gho dha muhekire thikuma. He he he! Tuna kutongwera! Shushwa mbadi wa kutuka!"

Diyuwa dyo kurandako Daisy gha dhinine kundagha ndagha, pamutuya gho ndhugho dho ndunda. Kupu, kupu, kupu Daisy gha kupaghurire mando ghendi.

Gha tukire muwiru no kukupaghura mando, kukupaghura, mando kukupughura no...

Gha twikera kutuka! mupepo mwishi dho mando ghendi wa tangire kutanara no kutuka ghuyeyuka muwiru. Yishamba mvura no yipungu gha yighamba eshi, "Shushwa gho kutuka thitetu"

Shushwa dhimweya dha shanine kukara yira yodighe.

Gha dhighamba eshi, "mawe Daisy, owe ne kutetukitha!"