Mbaka na Ngitĩ na kĩmbalutya
Elke and René Leisink
Elke and René Leisink
Kikamba

Ĩĩ nĩ Mbaka.

Ĩĩ nĩ Ngitĩ.

1

Mbaka na Ngitĩ masisyilye ndĩlĩsyana.

Masisyilye ndĩlĩsyana.

2

Na ĩndĩ Mbaka na Ngitĩ nĩ moona kĩmbalutya.

Kĩmbalutya kĩu nĩ kĩtune.

3

Mbaka na Ngitĩ nĩ makwenda kũkwata kĩmbalutya.

Mbaka na Ngitĩ nĩ matĩĩa kĩmbalutya.

Nĩ matĩĩa kĩmbalutya.

4

Mbaka na Ngitĩ nĩ matĩĩa kĩmbalutya na maaũ. Matĩĩe kĩmbalutya na maaũ.

Ĩndĩ kĩmbalutya nĩkĩkalatĩte mũno ĩndĩ Mbaka na Ngitĩ methi kavola. Methi kavola mũno.

5

Mbaka na Ngitĩ matĩĩe kĩmbalutya na kĩsululu. Mesosea kĩsululu masembany'e na kĩmbalutya.

Ĩndĩ kĩmbalutya nĩkĩkalatĩte mũno ĩndĩ Mbaka na Ngitĩ methi kavola. Methi kavola mũno.

6

Mbaka na Ngitĩ matĩĩe kĩmbalutya na nglĩ. Matwaĩte ngali masembany'e na kĩmbalutya.

Ĩndĩ kĩmbalutya nĩkĩkalatĩte mũno ĩndĩ Mbaka na Ngitĩ methi kavola. Onayu methi kavola mũno.

7

Mbaka na Ngitĩ matĩĩe kĩmbalutya na ĩtalũ. Malelete kĩwunĩ masembany'e na kĩmbalutya.

Ĩndĩ kĩmbalutya nĩkĩkalatĩte mũno vyũ ĩndĩ Mbaka na Ngitĩ methi kavola. Methi kavola mũno vyũ.

8

Mbaka na Ngitĩ matĩĩe kĩmbalutya na ndeke. Molũkĩte masembany'e na kĩmbalutya.

Ĩndĩ kĩmbalutya nĩkĩkalatĩte mũno vyũ ĩndĩ Mbaka na Ngitĩ methi kavola. Onayu methi kavola mũno vyũ.

9

Yu Mbaka na Ngitĩ nĩmongama. Nĩmongama na mekala nthĩ. Mekala nthĩ uungu wa mũtĩ.

Mekala nthĩ uungu wa mũtĩ mũnene.

Ĩndĩ yu…

10

Nĩmoona kĩmbalutya kĩmwe mũtĩnĩ.

Nĩmoona syĩmbalutya ĩlĩ mũtĩnĩ.

Nĩmoona syĩmbalutya itatũ mũtĩnĩ.

11

Nĩmoona syĩmbalutya ĩana mũtĩnĩ.

12

Tiwa na ũseo Mbaka.

Tiwa na ũseo Ngitĩ.

Tiwai na ũseo syĩmbalutya.

13

14
You are free to download, copy, translate or adapt this story and use the illustrations as long as you attribute in the following way:
Mbaka na Ngitĩ na kĩmbalutya
Author - Elke and René Leisink
Translation - Anna Kula
Illustration - Elke and René Leisink
Language - Kikamba
Level - First paragraphs
© African Storybook Initiative 2017
Creative Commons: Attribution 4.0
Source www.africanstorybook.org
Original source