Ĩĩ nĩ ngewa ya mwii wa nyamũ na kyũũ kyake kya nyamũ ndiwa.

Mwei wa nyanya waĩna wĩa mwingĩ mwii wa nyamũ na atethya make.

Mũkite mũkũũ nĩwe waĩ wa mbee kũvika. Okie na ĩloli ĩ kĩsũnzũni.

Mũsũvĩvie wa nyamũ na atethya make nĩmewĩĩe mũkite tei. Aĩ mũmosu mũno na matei maingi.

Ĩndĩ omĩtũkĩ, Mũkite nĩwakwatie vinya. Nĩwanzĩĩe kũthaũka na nyamũ ila ingĩ kyũũnĩ.

Mũthenya ũngĩ mwei ũsu wa nyanya, nĩyatũie vau Kyũũnĩ.

Mũsũvĩi na athetheesya make nimasembie nza. Ndeke ĩsu yakuĩte kanzou kanini kavwĩkĩtwe ĩvula.

Aĩ Ndiwa. Ndiwa aĩ na ũkũũ matukũ atano. Mũsũvĩi amũnengaa lĩu na sũva.

Ndiwa ya katatũ mwei ũsu yaĩ Malea. Okie na ĩtinga ĩtune. Aĩ na ũkũũ wa myei thanzatũ.

Malea kana ka mbusya nĩkatumie ndũũ na Engale, kana ka mboo.

Ũtukũ ũmwe, kĩla mũndũ nĩwokĩlilwe ni wasya wa Ambia evika.

Ambia aĩ na myei ĩtano. Aĩ mwonzu nũndũ wa savalĩ ndaasa.

Nũndũ wa ngingo yake ndaasa, Mũsũvĩi nĩwokĩlile suva ĩũlũ nĩ kana Ambia anywe.

Tũvatha tũnini Ambei na Moiti nimavikiie ũsũvĩonĩ mwei wa nyanya wi katĩ. Nthia ii syaĩsyasyawa omasa manini mavĩtũku. Syaĩ ngwau mũno.

Kila mũndũ aĩ na kyeva ĩla Ambei wakwie ĩtina wa kyumwa kĩmwe. Ĩndĩ Mũsũvĩi na atetheesaya make nĩmakomboie thayu wa Moiti.

Ndiwa sya mwĩsyo kũvika syaĩ Kovi, Kevin a Kengi. Twana tũũ twa mũnyambũ twaĩna syumwa ilĩ. Twaĩna nzaa mũno.

Mũsũvĩi na atetheesya make nĩmaendete nyamũ syonthe, ona ila syaĩna ũsenzi.

Lombolia nĩko kanyamũ kala kaĩ kasenzi vyũ. Lombolia aĩ vata na kũvitha mĩwani ya Mũsũvĩi.

Andũ ala mathũkũmaa kyũũnĩ kya nyamũ ndiwa nĩmatataa mũno kwisũvĩa. Mena wĩkwatyo kana mũthenya ũmwe ndiwa ii ikesũvĩa na ĩndĩ ikũsyoka kĩthekanĩ.

Soma ngewa ĩngĩ na wĩsũngĩa mokũlwo aa. 1. Nĩ nyamũ syiana syvikie kyũũnĩ mwei wa nyanya? 2. Nũũ ũla wavikie mbee mwei ũsu? 3. Aĩ na ũkũũ wĩana ata? 4. Naaũ ala mavikie mwĩso? Maĩna ũkũũ wĩana ata? 5. Nyamũ ila syaĩna ũkũũ mũnini vyu syavikie mwei wa nyanya nĩ syĩva? 6. Syaĩna ũkũũ wĩana ata? 7. Nyamũ ĩla aĩna ũkũũ mũnene vyu yavikie mwei wa nya?