Rǝldo, Ŋina na Dia
Fabian Wakholi
Marleen Visser
Moro

Rǝldo, Ŋina na Dia lafo laɽo rappa kañ.

Lomanǝŋ lënŋulu labǝɽo rela laborṯo ṯaksia.

1

Ŋen lënŋulu ɽrǝmaṯo ekal is lǝweṯa, maje igi gǝlëldǝñia ṯaksia nǝŋǝlëiṯi lǝpǝɽǝđia algrus esen.

Dia nǝŋǝpǝɽǝđe algrus yilëɽǝŋu.

2

Ŋina nǝŋǝpǝɽǝđe algrus ywaña, ŋenŋanṯa ŋënŋu ŋafo ŋero ŋǝlerṯa is yeɽɛwađaṯo.

3

Maje igi gǝlëldǝñia ṯaksia ṯaŋonaṯo ṯa guɽǝbiṯia Ŋina algrus isi yiṯëđǝnu.

Orn, Rǝldo nǝŋobǝđe taltal rero rǝpǝɽǝđia.

4

Maje igi gǝlëldǝñia ṯaksia nǝŋǝciṯi nano.

Na gënŋu nǝŋǝtuđi ṯaksia nǝŋǝɽe gero guɽǝbiṯia ŋina algrus is yiṯëđǝnu.

5

Nǝṯia đǝge, điñiđi mǝldin, Ŋina ŋalëldǝñia irabiya.

Ŋënŋu ŋëninia maje igi gǝlëldǝñia Arabiya ŋonaṯama algrus nano yilëɽǝŋu.

6

Rǝldo ralëldǝñǝṯia ŋwal ŋarabiya.

Rënŋu rëđiñia ṯa riđi arëndǝni ŋenŋanṯa rero rǝpǝɽǝđia.

7

Dia raber rǝbǝɽǝca irabiyano.

Dia rakǝlǝđia rađano rǝbǝrlda aten.

Rënŋu ralǝŋeṯa rapǝđo algrus yilëɽǝŋu.

8
You are free to download, copy, translate or adapt this story and use the illustrations as long as you attribute in the following way:
Rǝldo, Ŋina na Dia
Author - Fabian Wakholi
Translation - Apalo Mana
Illustration - Marleen Visser
Language - Moro
Level - First paragraphs
© African Storybook Initiative 2018
Creative Commons: Attribution 4.0
Source www.africanstorybook.org
Original source