Ye ke kanegelo ya Mohlokomedi le lefelo la gagwe la go hlokomela diphoofolo tša go hloka batswadi.

Kgweding ya go feta, mošomo o be o tloga o tšhaba diatla mo lefelong la tlhokomelo. Phoofotšwana ya mathomo ya go fihla lefelong la tlhokomelo e be e le Nomsa yoo a bego a na le ngwaga o tee. Nomsa o be a otile ebile a tletše manyami.

Go se go ye kae, Nomsa a kokotlela. A thoma go raloka le diphoofolo tše dingwe.

Ka letšatši le lengwe kgweding yona yeo, go ile gwa fihla helikoptara gomme ya kotama moo lefelong la tlhokomelo.

Ka gare ga helikoptara go be go na le tlou ye nnyane yeo e phuthetšwego ka lepai. Leina la yona ke Ndiwa.

Ka tšatši le lengwe, helikhopthara ya fihla bookelong bja diphoofolo.

Mohlokomedi le bathuši ba gagwe ba kitimela ka ntle. Ka helikhopthareng go be go na le tlowana e apešitšwe ka kobo.

E be e le Ndile. O be a na le matšatši a mahlano fela a tswetšwe. Mohlokomedi o be a leša Ndile ka lebotlelo.

Tšhiwana ya boraro kgweding yeo e be e le Malea. O gorogile bookelong bja diphoofolo ka lori e khwibidu. O be a na le dikgwedi tše tshelela a belegwe.

Tšhukudu Malea le našana Enkare, go se go ye kae ke ge e le bagwera ba go ntšhana sa inong. Ba be ba eya gohle mmogo.

Bošego bjo bongwe, bohle ba ile ba tsošwa ke go goroga ga Abia.

Abia o be a na le dikgwedi tše hlano a tswetšwe. O be a fokotše kudu morago ga leeto la gagwe le le telele.

Ka baka la molala wa gagwe o motelele, Mohlokomedi o be a swarela lebotlelo godimo gore a leše Abia.

Mafahla a manyenyane Abele le Moitsi a gorogile magareng ga Phato. Ditshepe tše, di be di na le diiri tše mmalwa di tswetšwe.

Ka moka ga bona ba be ba nyamile ge Abia a hlokofala morago ga beke a gorogile ka bookelong bja diphoofolo. Eupša Mohlokomedi le bathuši ba gagwe ba ile ba phološa Moitsi.

Ditšhuana tša mafelelo tša go goroga ka Phato e be e le Kopi, le Kepi le Ketsi. Ditawana tše, di be di na le dibeke tše pedi di gorogile.

Mohlokomedi le bathuši ba gagwe ba rata diphoofolo ka moka, le tšeo di selekago.

Ngwana wa go Seleka kudu e be e le Lokolla. Lokolla o be a rata go fihla digalase tša Mohlokomedi tša mahlo.

Batho ba bookelong bja diphoofolo ba šoma ka maatla go hlokomela diphoofotšwana. Ba tshepa gore ka tšatši le lengwe, ditšhiwana di tla kgona go itlhokomela. Ka nako yeo di tla kgona go boela nageng.

O na le mengwaga e mekae le ke tše kae? Bala nonwane gape gomme o arabe dipotšišo tše di latelago.
1. Ke diphoofolo tše kae tše di gorogilego kgweding ya Phato bookelong bja diphoofolo?
2. Ke mang wa go go goroga pele kgweding yeo
3. Phoofolo yeo e be e le mengwaga e mekae?

4. Ke mang wa go goroga mafelelong?
5. Ke diphoofolo dife tše nyenyane tša go goroga ka Phato?
6. Di be di le mengwaga e mekae?
7. Phoofolo ya go goroga ka Phato e di feta ka moka ke efe?