Kannde danyaama no bumɗo. Gite maako meeɗaayi yiʼugo danyooɓe maako, koo sakiraaɓe maako.

O anndi geese maɓɓe ngam e mo meemaɗe.

Nyalaande feere Kannde yahi ngesa haako. E mo yiɗi nanugo urngol pinndi belngol.

E mo yiɗi meemugo pinndi ndin.

Kannde yiɗi yi'ugo pinndi koo nde goʼo tan.

O wiʼi nder ɓernde maako, "Pinndiiji e mbooɗi."

Koo ndeye nyalaande Kannde yahay ngesa.

E mo anndi laawol.

Pab! Ndunngu riggi, o tijji dow. Kannde wiʼi, "Sey mi dogga, mi hoota, taaʼ mi towra!"

Ndiyam yoofake. Kannde morti, yani.

Hoore maako fiyi hayre.

Nde Kannde heɓti hakkiilo muuɗum, o nani yimɓe haade maako. O ƴami, "Ko waɗi?"

Baaba maako wiʼi, "A yanii, a fiyii hoore maaɗa."

Inna wiʼi, "En ngetta Allah nde a jamo."

Kannde noddi inɗe sakiraaɓe bee danyooɓe maako fuu.

Nden o wiʼi, "Inna, Baaba, ngaddaneeyam pinndi." Koo moye hayɗini.

Minyiraawo maako waddanimo pinndi.

Kannde jogiindi wiʼi, "Pinndi e wooɗii."

Yimɓe maako dardartiri. Inna maako ƴami, "Kannde, a yiʼa pinndi ndin na?"

Kannde jogii pinndi ndin, moosi wi'i, "Pinndi ndin e wooɗi yiʼugo, onon maa on woɗɓe yiʼugo."