Mi yiɗi min pija, min e soobaajo am Cinndo.

Min soobaaɓe soosey. To ɗum lilii gooto amin fuu, min njaaday.

Nyalaande feere, maama am liliyam mi soodanamo mannda e nebbam biriiji. Mi yaadi e Cinndo.

Dow laawol, min ngi'i soobaʼen amin e pija bol.

"Kay! Raa fijirde bol!" Mi wiʼi, "Min maa, mi yiɗi fijugo."

Mi wiʼi Cinndo, "En ƴamuɓe, to ɓe njaɓii sey pijiden bee maɓɓe. Mi yiɗi fijugo bol soosey."

Cinndo wiʼi, "En artu yahugo luumo nden lorooɗen pijen."

Ammaa mi wiʼimo, "En artu pijen taw! Ngam to en koorii lilal, maama haɗayʼen."

Min nasti fijirde bol. Min, mi nanngoowo bol, mi resi kaaƴe ɗiɗi-ɗiɗi haade am, mi darii caka.

Mi tiiɗi, mi heelanakemin boɗɗum, soobaaɓe am nyaamaayi koo bol goʼo.

Min ngaɗi ka fijugo naaka babal fuu warti sollaare.

Nden min njahi luumo. Min anndaa ceede maama njani! Mi fuɗɗi woyugo. Cinndo hooli wiʼi, "Accu woyugo. An waɗika!"

Min kooti, min soodaayi mannda e nebbam. Min kultori, nden limse amin fuu sollaare.

Maama nanaayi belɗum, ɓerni. O ƴamimin, "Toye ngonnooɗon haa jooni?"

Doole min mbiʼamo goonga. O yaafaniimin ammaa o wagginimin, o wiʼi, "Taaʼ meetee yahugo fijirde sey to mi jaɓii."

Min nyamni agaagaaji maama am, nden min ngiiwii.