Kel-li é Gatu.
Kel-li é Katxor.
Sta di noti. Sta sukuru.
Sta friu. Sta txeu friu.
Pa katxor sta mutu friu.
Gatu da katxor dôs kamiza sen manga.
Un sta xuxu. Un sta linpu.
Katxor bisti kel ki sta linpu. Má inda el tene friu.
Gatu da Katxor dôs kamiza.
Un kamiza é grandi. Un kamiza é pikinoti.
Katxor bisti kel kamiza grandi. Má inda el tene friu.
Gatu da Katxor dôs kalsa.
Un kalsa é kunpridu. Un kalsa é kurtu.
Katxor bisti kel kalsa kunpridu. Má inda el tene friu.
Gatu da Katxor dôs koleti. Un koleti sta modjadu. Un koleti sta séku.
Katxor bisti kel koleti ki sta séku, má inda el tene friu.
Gatu da Katxor dôs kazaku. Un kazaku é pizadu. Un kazaku é lébi.
Katxor bisti kel kazaku pizadu, má inda el tene friu.
Gatu da Katxor dôs txapéu. Un txapéu é altu. Un txapéu é baxu.
Katxor poi kel txapéu altu, má inda el tene friu.
Gatu da Katxor dôs par di sapatu.
Un par di sapatu é novu. Un par di sapatu é bédju.
Katxor kalsa kel sapatu novu, i dipôs...
Ka sta mutu friu pa Katxor. Katxor ka tene friu.
Ka sta noti más. Dja manxe.
Lua dja kanba. Sól dja sai.
Sta di dia. Sta klaru. Sta kenti. Sta txeu kenti.
Pa Katxor sta mutu kenti.
Txau, txau Gatu.
Txau, txau Katxor kenti.