Pale ena e ka Mohlokomedi le bookelo ba hae ba diphoofolo tsa dikgutsana.

Phato e ne e le kgwedi e patisaneng ka mosebetsi ho Mohlokomedi le bathusi ba hae ba bookelong ba diphoofolo.

Mokiti ya selemo se le seng ebile wa pele ho fihla. O tlisitswe ka lori e tala ya kgale.

Mohlokomedi le bathusi ba hae ba ne ba hlorile ebile ba utlwela Mokiti bohloko. Mokiti o ne a otile mme a sa thaba.

Empa kapelepele, Mokiti a fumana matla. O ile a qala ho bapala le diphoofolo tse ding ka bookelong.

Ka tsatsi le leng ka Phato, helikhopthara e ile ya fihla bookelong.

Mohlokomedi le bathusi ba hae ba mathela ka ntle. Ka hara helikhopthara ho ne ho na le tlowana (tlou e nyenyane) e apesitswe ka kobo.

E ne e le Ndile. O ne a na le matsatsi a mahlano a hlahile. Mohlokomedi o ne a fepa Ndile lebese ka botlolo.

Kgutsana ya boraro kgweding eo e ne e le Malea. O tlisitswe bookelong ka lori e kgubedu. O ne a le kgwedi tse tsheletseng a hlahile.

Tshukudu Malea, le narenyana Ankere ba phakisa ho, ba imetswalle e ntshanang sa inong. Ba ne ba tsamaya hohle mmoho.

Bosiu bo bong, bohle ba ile ba tsoswa ke ho fihla ha Abia.

Abia o ne a le kgwedi tse hlano a hlahile. O ne a fokotse ka mora leeto le le lelele.

Ka baka la molala wa hae o molelele, Mohlokomedi o ne a tshwarela botlolo hodimo ho fepa Abia.

Mafahla a manyenyane Abele le Moitsi ba fihla mahareng a Phato. Ditshepe tsena di ne di le dihoranyana tse mmalwa fela di hlahile.

Bathusi bohle le mohlokomedi wa bookelo ba ne ba saretswe ha Abele a hlokahala ka mora beke a fihlile. Empa ba ba kgonne ho pholosa Moitsi.

Dikgutsana tsa ho qetela ho fihla ka Phato e ne e le Kopi, Kepi le Ketsi. Madinyane ana a ne a le beke tse pedi a hlahile. A ne a lapile haholo ha a fihla.

Mohlokomedi le bathusi ba hae, ba rata diphoofolo kaofela, le tse sebang.

Phoofotwana e neng a e seba haholo e ne e le Lokolla. Lokolla o ne a rata ho pata digalase tsa Mohlokomedi tsa mahlo.

Batho ba bookelong ba diphoofolo ba sebetsa ka thata ho hlokomela madinyane a diphoofolo. Ba tshepa hore ka tsatsi le leng dikgutsana tsena di tla kgona ho itlhokomela. Ka nako eo di tla kgona ho kgutlela naheng.

Bala pale ena mme o ntano araba dipotso tsena tse latelang.
1. Ke diphoofolo tse kae tse fihlileng bookelong ba diphoofolo kgweding ya Phato?
2. Ke phoofolo efe ya pele ya ho fihla kgweding eo? Phoofolo ena e ne e le dilemo tse kae?
3. Ke dife tse fihlileng la ho qetela? Diphoofolo tseo di ne di le dilemo di kae?
4. Ke diphoofolo dife tse nyenyane tse fihlileng ka Phato? Tsona di ne di le dilemo di kae?
5. Phoofolo e fetang tshohle ka dilemo e fihlileng ka Phato ke efe?