Oluno luli luukano lwo omubayi nende liitala lye chisaang'i chindekhwa.

Kumwesi kwa munane kwaba nende kimilimo kimikali khumubayi nende baayeti bewe mwiitala.

Weebweni khukhwola kaba Mkite wo kumwaka mulala. Kechela mukulori kuukhale kwa kirini.

Omubayi nende baayeti babonela Mkite siisa sikali. Kaba kang'aa lukali nekhutamba buusangafu.

Chinyanga sechabira chingali ta Mkite kakhomela. Yachaka khukhwiinyaa ne chisaang'i chasye mwiitala.

Enyanga ekindi mumwesi kwa Munane, eendeke yekha eetala.

Omubayi ne baayeti barura chimbilo. Mundeke yabamo khaayofu bakhabimbile kumurengeti.

Yaba Ndiwa. Yaba yamenyile chinyaanga chirano chong'ene. Omubayi kamununia nende eechupa.

Eesang'i endekhwa ye khataru khumwesi kwenoku yaba Malea. Yola eetala khuturakita embesemu. Yaba ne kiemisi sita kiong'ene.

Siifaru Malea nende eemboko Enkare baba ne buusale buulayi. Bakendelanga buliabundu alala.

Siilo silala khukhwola khwa Ambia khwenyusya buli mundu.

Ambia yaba ne kimiesi kirano kiong'ene. Yaba yaluyiilile luukali khulu kendo luleeyi.

Khubela ali nende liikosi lileeyi, Omubayi atililisia eechupa aangaki khumununia Ambia.

Baakhwana batiti Abei nende Moit bola akarikari we kumwesi kwa Munane. Chiikhisi chino chaba busa ne kamasa matiti khwama nga nebebulwa. Baba ne buulwaale buusiro.

Boosi babeelela khuliifwa lia Abei liichuma lilala khukhwama nga nekola eetala. Omubayi nende baayeeti baonia Moit.

Chisang'i chindekhwa chimalilisi khukhwola mumwesi kwa Munane chaba Kopi, Kepi, nende Keji. Chaba neenjala eengali nga nechoola.

Omubayi nende baayeti bayanja chisaang'i choosi akhaba che siipoli.

Eesang'i ye siipoli siikali yaba Lobolia. Lobolia abele kasima khukisakisa kimiwani kyo Omubayi.

Babandu bali syetaala bakhakholanga kimilimo luukali khuulinda chisaang'i chindoro. Basubilanga mbo eenyanga eliicha niyo chisaang'i chindekhwa chikhesyobele. Mala bakhele mumisiru.

Bali ne kimika kinga ne bali benga? Khosome luukano mala ochiibe kamarebo. 1. Chisaang'i chiinga choola mulitala mumwesi kwa munane? 2. Nanu wola lweebweni? 3. Eesang'i yino yaba ne kimika kiinga? 4. Wola ekhumalilikha kaba nanu? Chaba ne kimika kiinga? 5. Chindoro khukhwola chaba ndala siina? 6. Chaba ne kimika kiinga? 7. Omukhulu kaba nanu?