Hoyu ndi Tshimange.

Hoyu ndi Mmbwa.

Tshimange na Mmbwa vha ṱolela nga fasiṱere.

Vha ṱolela nga fasiṱere.

Tshimange na Mmbwa vha vhona tshisusu!

Tshisusu tsha muvhala wa pinki.

Tshimange na Mmbwa vha ṱoḓou bata tshisusu.

Tshimange na Mmbwa vha sala tshisusu murahu.

Vha sala tshisusu murahu.

Tshimange na Mmbwa vha sala tshisusu murahu nga milenzhe. Vha khou tou gidima.

Fhedzi tshisusu tshi na luvhilo. Tshisusu tshi na luvhilo ngeno Tshimange na Mmbwa vha tshi khou ongolowa. Vha a ongolowesa.

Tshimange na Mmbwa vha sala tshisusu murahu nga thuthuthu. Thuthuthu dzo sala tshisusu murahu.

Fhedzi tshisusu tshi na luvhilo. Tshisusu tshi na luvhilo ngeno Tshimange na Mmbwa vha tshi khou ongolowa. Vha khou ongolowesa.

Tshimange na Mmbwa vha sala tshisusu murahu nga moḓoro. Moḓoro wo sala murahu tshisusu.

Fhedzi tshisusu tshi na luvhilo. Tshisusu tshi tshee na luvhilo ngeno Tshimange na Mmbwa vha tshi khou ongolowa. Vha kha ḓi ongolowesa.

Tshimange na Mmbwa vha sala tshisusu murahu nga gungwa. Vha papamala vho sala murahu tshisusu.

Fhedzi tshisusu tshi na luvhilo. Tshisusu tshi tshee na luvhilosesa ngeno Tshimange na Mmbwa vha tshi khou ongolowa. Vha khou ongolowesesa.

Tshimange na Mmbwa vha sala tshisusu murahu nga ṱharabuḽei. Vha fhufha vho sala murahu tshisusu.

Fhedzi tshisusu tshi na luvhilo. Tshisusu tshi tshee na luvhilosesesa ngeno Tshimange na Mmbwa vha tshi khou ongolowa. Vha khou ongolowesesesa.

Tshimange na Mmbwa vha mbo ima.

Vha mbo dzula fhasi. Vha dzula fhasi tsindeni ḽa muri. Tsindeni ḽa muri muhulu.

Zwinezwo-ha...

Vha vhona tshisusu murini.

Vha vhona zwisusu murini.

Vha vhona zwisusu zwiṱanu murini.

Vha vhona zwisusu zwa fuṱhanu!

Ṱaṱaa Tshimange!

Ṱaṱaa Mmbwa!

Ṱaṱaa zwisusu!