Oyo nomogano bwomotugi nenasari yaye ye ching'iti chitakana.

Omotienyi bweekoromoni nigo orenge bwegasi enyinge ase omotugi na abakonyi baye ase enasari.

Mkite bwoomwaka oyomo nere otangete goika. Nigo aigete korwa egari engotu ya machani.

Omotugi na abakonyi baye nigo barocherete Mkite amabeera. Nigo are omoreu nainde abeete.

Mkite nigo anyorete chinguru ase obwango. Agachaka kogosoria n'eching'iti chinde ase enasari.

Rituko rinde ria ekoromoni, erikobuta ekagwa ase enasari.

Omotugi na abakonyi baye bakaminyoka isiko. Erikobuta ime nkiarenge ekererwa ki'enchogu kebisirie oborangeti.

Ndiwa orenge. Nigo arenge bwaamatuko atano. Omotugi akarageria ndiwa nechuba.

Entakana ya gatato omotienyi oyio Malea orenge. Nigo aigete enasari korwa erori embariri ime. Nigo abwate emetienyi etano n'emo.

Ekiobieria Malea akaba obosani na Enkare, eng'era ekerwa. Bakagenda kerase bare amo.

Obotuko obomo kera oyomo agaturwa nogoika gwa Ambia.

Ambia nigo abwate nemetienyi etano. Nigo arenge omorosu ase eng'encho yesabari etambe.

Ase eng'encho yebigoti biaye ebitambe, omotugi akaimokereria echuba igoro korageria Ambia.

Chisare chindeu Abei na Moit chigaika gatigati ya omotienyi bwekoromoni. Chingabi echio nigo konyora chiaiboirwe chinsa chinke igo konyora chietire. Nigo chiarenge chindwaire mono.

Kera omonto nigo abeete ekero Abei akuete ewiki eyemo nyuma yogoika ase enasari. Korende omotugi na abakonyi baye bagakonya Moit.

Chitankana chiomoerio goika ase enasari omotienyi bweokoromoni nigo chiarenge Kebi, Kepi na Keji. Chimanwa echio chiarenge chiaemekubio ebere korwa okoiborwa. Nigo chire nchara mono ekero chiaigete.

Omotugi na abakonyi baye nigo baachetu ching'ti, nonya nchiri chiburaburu.

Ekererwa ekeburaburu kobua bionsi nigo kiare korokwa Lobolia. Lobolia nigo anchete kobisa ebirore bia omotugi.

Abakonyi benasari nigo babwate omokia ase okorenda ebirerwa. Nigo basemeretie buna rituko erimo chitankana nchinyare kwerenda chinyene. Chinyare koirana gochia orosana.

Ekegori na irenga? Soma omogano oiraneria amaborio 1. Ching'iti irenga chiaigete ase enasari ase omotienyi bweokoromoni? 2. Ning'o otang'anete goika omotienyi oyio? 3. Nkegori ki eng'iti eyio yarenge? 4. Ning'o orenge bwoomoerio goika? Nkegori ki ching'iti chiare? 5. Ning'o orenge omoke goika ase omotienyi oyio? Nkegori ki? Ning'o orengo omonene?