"Mmawe," Lebo u a vhidzelela. "Kha vha ḓe vha vhone. Hezwi zwiambaro zwo no ṱukufhalesa zwoṱhe!"
"Irini ndi vhone," hu amba Mma.
"Kha vha vhone tshikete tshanga. Tsho ṱukufhalesa," hu amba Lebo.
"Ee, ndi zwa vhukuma," ndi Mma vha no ralo. "Ri ḓo tshi ṋea Nomsa."
"Yoo, kha vha vhone dzhini yanga. Yo no ṱukufhala, wee," hu amba Lebo.
"Ee, ni khou amba zwone," ndi Mma vha no ralo. "Ri ḓo i ṱahaledzela Nomsa."
"Mmawe, kha vha vhone tshikhipha tshanga. Tsho no ṱukufhalesa," hu amba Lebo.
"Ee, ndi ngoho," ndi Mma vha tshi amba. "Tshi fheni Nomsa."
"Yoo, dzhesi yanga! Yo no ṱukufhalesa, wee," hu amba Lebo.
"Zwa vhukuma, wee," ndi Mma vha no ralo. "Ri ḓo i fha Nomsa."
"Dzhasi ḽanga ḽa mvula! Ḽo no ṱukufhalesa-vho," hu amba Lebo.
"Ndi ngoho," ndi Mma vha no ralo. "Nomsa a nga kha ḓi ḽi dzhia."
"Kha vha vhone masogisi anga. O no ṱukufhalesa," hu amba Lebo.
"Ee ndi maṱuku," ndi Mma vha no ralo. "A ḓo vha a Nomsa."
"Kha vha vhone zwienda zwanga, mmawe. Zwo no ṱukufhalesa," hu amba Lebo.
"Ee ndi zwiṱuku," ndi Mma vha no ralo. "Zwi ḓo vha zwa Nomsa."
"No no vha na zwiambaro zwinzhi Nomsa," hu amba Lebo.
"A si zwone, a thi na," ndi Nomsa a no ralo. "Hezwi zwiambaro ndi zwihuluhulu kha nṋe!"