Luno nolukano lwomuruchi nende eshiayo shietsisolo namulekhwa.

Omwesi kwa munane nokweikasi inyinji khumuruchi nende abakhonyereri baye mushiayo shietsisolo namulekhwa.

Mkite womwaka mulala yoola wa kwanza. Yola mulori ya grini.

Omuruchi nabakhonyereri baye balolera Mkite eshisa. Mkite yali omung'au nabula obusangafu.

Mutsinyanga tsinditi mkite yakalusia omubiri. Yachaka okhubaya nende tsisolo tsindi mushiayo.

Inyanga yindi mumwesi kwa munane, indege yeema mushiayo.

Omuruchi nende abakhonyi baye berukha erwanyi. Mundege omo mwali nende akhanzofu akhatoro khefunishe murungeti.

Inzofu indoro ilangwa Ndiwa. Iri nende tsinyanga tsirano tsiokhubulwa. Omuruchi yalisia Ndewa muchupa.

Isolo namulekwa yakhataru mumwesi okwo yali Malea. Malewa yetsa mushiruchi khu rakta ya redi. Yali nende emiesi sita chionyene.

Malea yali Shifaru, owakasia obwitsa nende Enkara, Imboko indoro. Baatsia buli abundu halala.

Eshiro shilala, buli omundu yabusibwa nende okhula khwa Ambia.

Ambia yali nemiesi chirano. Yali nachonyere khuluchendo olurambi.

Okhubera yali nelikosi lirambi, omuruchi yachingula ichupa ekulu okhulisia Ambia.

Amakwana amatiti Abel nende Moit bola akari wo mwesi kwa munane. Efichwaya fino fiali fiakhebulwa masaa matiti konyene. Fiali efilwale muno.

Buli omundu yaberera shinga Abel yafwa liwiki niliakhawa ngayola mushiayo. Omuruchi nende abakhonyi baye baonia Moit.

Namulekwa bomwisho okhula mumwesi kwa munane bali Kopi, Kepi nende Keji. Tsingwe tsiali nende amawiki kabiri. Tsiali nende inzala nga tsiola.

Omuruchi nende abakhonyereri bachama tsisolo tsiosi, halala nende etsinyasinjia.

Isolo yomurwe omumu yali Lobolia. Lobolia yali yachama okhufisa miwani chiomuruchi.

Abandu bomushiayo bakholanga ikasi nende amani kosi okhulinda tsisolo. Basubiranga mbu inyanga ndala tsisolo namulekhwa tsiakhetegemeye tsionyene. Mana tsikalushe mushitsuru.

Tsiri ne emiaka chinga netsiri tsinga? Soma shitabu mana ochibe amarebo. 1. Tsisolo tsinga tsiola mushiruchi mumwesi kwa munane? 2. Wina wola mushiayo wakwanza? 3. Isolo ya kwanza yali nende emiaka chinga? 4. Wola womwisho newi?Tsisolo tsino tsiali tsireena? 5. Bali abatiti khumiaka newina?Tsiali nende emiaka chinga? Isolo ya ikhongo niireena?