Daisy gomuwa
Nozizwe Herero
Siya Masuku
Rukwangali

Siruwo simwe pokafaramagona oko pepi nokamukundagona.

1

Pwatungire kanhunhwagona kedina Daisy.

2

"Apa nani kura, na hara kutuka meguru, kutuka unene meguru," yimo ga uyungire Daisy.

3

Nye nonhunhwa nadinye kwamu zorere.

4

"Ove kutetukisa sili," yimo va uyungire. "Kapi tatu dana novena hena."

5

"Daisy, kuvhura tufukumune mavava getu nye udigu sili konhunhwa asi dituke," yimo vamu tanterere Ozinakuru.

6

Daisy kapi gali geve. Nkenye ezuva ngali deura pwamwene, mokufukumuna mavava gendi.

Fuku, fuku, fuku, nga fukumuna mavava gendi nye kapi ngatuka atunde pevhu.

7

Apa ngali deura, ngali mono momagano gendi asi kuna kutuka keguru-guru dogoro taka sika komaremo nokumona omu nonhunhwa dina kundondona pevhu. Age ngali mono momagano omu ana kutuka keguru lyoyigwali noiwoyo. "Yaa!" Yimo yidira nkare yi uyunge. "Nhunhwa zokuvhura kutuka!"

8

Asi fuku, fuku, fuku, nkenye ezuva omu Daisy nga fukumuna mavava gendi.

9

Nga tuka pevhu nye ta tengwire po hena.

10

"Ame kapi ngani tuka hena rumwe!" Daisy yimo ga lilire kOzinakuru. "Vakwetu mouhunga vana kara."

11

"Daisy, ove wali siga kono nhunhwa nonkweni. Awo kapi vana hara kutuka nye ove kutuka! Kuvhura oyi rugane," Ozinakuru yimo va tente.

12

Ezuva lyokukwamako Daisy ta rondo konondaga-ndaga ta zigi nokufuku, fuku, fuku, omu ga fukumwine mavava gendi. Makura ta tuka mompepo oku tafukumuna mavava gendi ntani ta fukumuna mavava gendi ntani ta fukumuna mavava gendi ntani...

13

Tali ganda!

14

Nonhunhwa nonkwawo kwamu zorere sili unene. "Ha ha ha! Twakutantere! Nonhunhwa kapi adi tuka!"

15

Nye ezuva lyokukwamako Daisy tatuka keguru unene, keguru-guru kwina lyondunda. Fuku, fuku, fuku, Daisy kwa fukumwine mavava gendi.

16

Age kwatukilire mompepo nokufumuna mavava gendi nokufukumuna mavava gendi nokufukumuna mavava gendi noku...

17

Age kwa twikilire kutuka! Mpepo konhi zendi tazi pepe unene nye age ta tuka keguru sili unene nekeguru-guru sili unenenene! Yigwali noyiwoyo kwa tente asi, "Nawa unene! Nhunhwa zokutuka!"

18

Makura nonhunhwa nonkwawo kwa here di kare ngwendi yizo.

19

Ado kwa tente asi, "Oo Daisy, ove omu wa sili!"

20
You are free to download, copy, translate or adapt this story and use the illustrations as long as you attribute in the following way:
Daisy gomuwa
Author - Nozizwe Herero
Translation - Djaupyu Siteketa
Illustration - Siya Masuku
Language - Rukwangali
Level - First paragraphs
© Nozizwe Herero, Siya Masuku, Leona Ingram, Book Dash 2015
Creative Commons: Attribution 4.0
Source www.africanstorybook.org
Original source www.bookdash.org