Eri ndra O'du Azia driipi tu ni ma ondre si Omba Mudri Drini Iri si. 'Ba alu alu ovu omba si. "Bayo Maturu, azini Aluma, emi ma fu mu avi amve!" Iyaa 'yo amani. "Ale emi ma ageia 'de ku."

Afu jo alea ri si amve onngu si. "Ama ma muki yia," Aluma 'yo. "Angu drini 'dale ku." "Te Iyaa le aweki ama yi alia ku," Bayo 'yo. "Aweeni ama ku," Aluma omvi. "Ama mu avi endrika yitia 'da ma etia."

Te avizu baka mvuza si ovuni aparaka ku, ka tro ovu pati yitia 'dii ma etia. Oko ri si, atru afa paa. Angu dri Amani ogogo. 'Da vutia atru sati pi kiteteyi tru. Angu dri Amani ogogo.

Asu ama pa yi alia egbezu. 'Da vutia, ama e'do yi gbaa ama rua. 'Da vutia, ama odu yi si kpoco.

"Ahhh! Aweki yi," Maturu 'yo. "Iyaa eco nii ku." Awe ama, awe ama, awe ama, kpere ama avi e'yo etu dria ra.

Etu e'do 'de, dika egbe e'do ama fu. Bongo Amani 'dii ngole ya?

Anda pati etia, afa azi yo. Anda aisea, afa azi yo. Anda pari woroa, afa azi yo.

Ti azi yi ndra yi ageia, ayise nya. Bayo enga idri uru, "inee ti 'da! Eri ma tilea 'da a'duni?" "Eri patifu ekaru ni nya," Aluma 'yo.

"'Da ovuni patifu ekani ku," Maturu tre. "'Da sati mivile ri!" Ane ti aziri. Eri vini afa azi anyufu anyufu le ni nya. "'Da ma kiteteyi!" Bayo nga tre.

Amvi akua pajama si, ama rua ya egbe si, ovuni angu fiza si ku. "Ti nyaki bongo amavile 'dii ni", ama ece Iyaa ni. Te Iyaa a'i e'yo ama ni nze ri ku? Saa were vutia, ama eti e'do dri, te ovu ni etu si ku. Kalika si.