Epuri, Mwalapwa ni Emope
Fabian Wakholi
Marleen Visser
Elomwe

Epuri, Mwalapwa ni Emope yaapaka onthwamene aya. Nihiku nimoha, yaaheeca mukwaha aya mukhaaroni.

1

Yaaphiyalaaya yaayaayawo, mulipa aweeciha aahaaveka ikhorowa wi elive mukwaha aya.

Emope yooliva.

2

Mwalapwa aaliva moopwapwiha, ntakhara haarino saakhweleya.

3

Mulipa aweeciha arehereryaka ikhorowa, wi amucikiherye Mwalapwa, Epuri yaachawa ehilinve echu.

4

Mulipa aweeciha aananariwa, apwaha ahimunnya Mwalapwa ikhorowa sawe aahanleiyeno.

5

Vanthowa nenla ophiyerya olelo Mwalapwa oona ekhaaro onniikara awehaka mpuwa wi amoone mulipa aweeciha aahanleno ikhorowa sawe.

6

Epuri ennachawa yiiwaru oruma wa ekhaaro enoova wi enaphariwa vawi hiyaalinve.

7

Emope henuukhuwaru yoona ekhaaro erwaaka, eneeca okhwela waya muramphani, ntakhara yoosuwela wi yooliva mwawaakwana.

8
You are free to download, copy, translate or adapt this story and use the illustrations as long as you attribute in the following way:
Epuri, Mwalapwa ni Emope
Author - Fabian Wakholi
Translation - Little Zebra Books
Illustration - Marleen Visser
Language - Elomwe
Level - First paragraphs
© African Storybook Initiative 2018
Creative Commons: Attribution 4.0
Source www.africanstorybook.org
Original source