Document

Mbuzi, Mbwaya na Ng'ombe

Fabian Wakholi

Marleen Visser

Mbuzi, mbwaya na ng'ombe bzikhana uxamwali bwawo bukulu.

Ntsiku ibodzi, ibzo bzidapangana kuti bzikazunge na xapa.

1

Pomwe bzidafika kumala kwa ulendobo, nyakutambira kobiri adakumbira kuti apereke.

Ng'ombe idacosa mbali yace.

2

Mbwaya idacosa kobiri yakupitira, thangwe ikhalibe cinji.

3

Pomwe nyakutambira kobiri ule akhanyang'ana cinji kuti apase mbwaya, mbuzi idabula icithamanga iribe kupereka kobiri.

4

Nyakufambisa ngolo adakhala wakukalipa kwene-kwene.

Iye adacoka alibe kupereka cinji kuna mbwaya.

5

Ndipo na lero, mbwaya ingabva kuunga ngolo, imbathamangira kumweko kuti iwone penu ni umweyo adasiyizana naye cinji.

6

Mbuzi, ingabva kuunga kwa ngolo, imbabula mwakuthamanga.

Iyo ina mantha na kumangidwa thangwe ya mangawa.

7

Ng'ombe iribe thupo na ngolo ingakhala irikubwera.

Iyo imbayambuka mumseu mwakuderekha thangwe idapereka kale mbali yace.

8

You are free to download, copy, translate or adapt this story and use the illustrations as long as you attribute in the following way:

Mbuzi, Mbwaya na Ng'ombe

Author - Fabian Wakholi
Translation - Little Zebra Books
Illustration - Marleen Visser
Language - Cinyungwe
Level - First paragraphs