Wapadi wusiku wumo, a-Citagamulo na a-Kalunga valanganaga kuwutuka vawone vacawine.
A-Kalunga vajiticisye ni vatite, "M'mwe vankwenda kwa panandi-panandi. Ntande kwenda nalu lukongolo-lu ni njime. Pele ntandile sooni ni lwine lukongolo-lu. M'mwe ngajakwika. Cinan'nece kwetadice n'nope! Ngamusimana."
Vayiladice yinyama yejinji ya yadiji mbesi.
A-Citagamulo na a-Kalunga vatandite kuwutuka.
A-Citagamulo vagulwice ni vatemi muncila mwa a-Kalunga.
A-Kalunga pavawutukaga, yinyama yasekaga ni yakwataga yinankutenda dilama dyejinji, ntande a-Citagamulo vadiji muncila wa a-Kalunga.
A-Kalunga pakupikana dilama, vajimi ni vatemi.
A-Citagamulo vatite, "Ngatama pacanya pawune! Wune nayice katasi."
A-Kalunga vasimonjile ni vatandite kuwutuka sooni.
Pavayice pambesi, a-Citagamulo ni vatite, "M'mwe ngatama pacanya pawune! Wune nyice malo gandanda!"
A-Kalunga nganajima kwele. Vele vatisile. Sano a-Citagamulo vasigele pakupocela wini. A-Kalunga valusile.
Pavayice kumbesi, yinyama ni yakwataga n'nyala ni yagumilaga pakwawona a-Citagamulo adi civela muncila. A-Kalunga vapikene ni vaganisisye kuti a-Citagamulo vayice!
Translation - Little Zebra Books
Illustration - Gavin Thomson
Language - Ciyawo
Level - First paragraphs
Creative Commons: Attribution 4.0
Source www.africanstorybook.org
Original source traditional folktale in the Elomwe language of Mozambique
