Nihiku nimosa, Namanriya ni Namarokolo, yaahivaanyihana otthimakasa wiira emoone aarowa oxintta.
Namarokolo aahaakhulela khohimya wiira: "Nyuwo muneetta vakhaani-vakhani, muhimyaka wiira: 'Miyo keetta ni nla, ni nla kinoophiya, miyo karowa ni nla, ni nla nikina nkimphiya.' Kinimoohiyana ottai-wene, khamunrowa okiphwanya."
Saahilattuliwa inama sinci-ene, sikhala okhomoni.
Namanriya ni Namarokolo yaahipacerya otthimakasa.
Namanriya aahitupha oitthukwelela vamwiilani wa Namarokolo.
Namarokolo vaatthimakasawe, inama sootheene saanitheya soopaka ikuphi, sinyakulaka vanci-ene, mwaha wa Namanriya aari vamwiilani wa Namarokolo.
Namarokolo vaaiwawe onyakuliwa, aaheemela khokilaathi. Namanriya aahihimya wiira: "Muhikikalaathele, miyo kiphin'ye khalayi."
Namarokolo aahitikinihiwa, khotthikela-tho otthimakasa.
Vaaphiyalyawe okhomoni, Namanriya aahiira: "Muhikikalaathele. Miyo kiphin'ye khalayi va."
Nto Namarokolo khatthunne weemela-vo. Owo aahitthyawa, nave Namanriya aahihala wiira otthuveliwe. Namarokolo aahiyeleela.
Ohalaka vakhaani ophiya okhomoni, inama saanoopa ikuphi, ikhuwelaka vaamoonalyaya Namanriya nlelo oriene vamwiilani. Namarokolo vaiwalyawe aanyiherya wiira Namanriya aahiphiya.