Yaari yaari, Namanriya nNamarokolo yaapaka mapokha, oochimaka wi emoone anii apacerye ophiya okhomoni.
Namarokolo aheemererya aloca ariki: "Nyu weeca wanyu muni: 'Keeca ninla ninla kinamphiya keeca ninla ninla nkinaphiya.' Kinaya woohiyaani ociiwene himunii mukoone tho."
Yaawompwa ashinama ancipale ekhala okhomoni.
Namanriya nNamarokolo yaapacerya ochimaka.
Namanriya aacupha aimakelela vamwiilani wa Namarokolo.
Namarokolo achimakaka ashinama oothene yaanatheya yoopaka makhuphi enyakulaka vatokotoko emutheyaka Namanriya ari waamwiila wa Namarokolo.
Namarokolo iiweiye niwoowo aheemela akirathi, Namanriya aahi, "Ohikikiraathele. Miyo kiphin'ye khalayi."
Namarokolo aatuthuwa, avinya tho anachimaka awenthe niwoowo naatepasha.
Arikimphiyaru okhomoni chiri, Namanriya aahi: "Ohikikiraathele kiphin'ye khalayi."
Namarokolo heemenle aacakanela, Namanriya ahala aakhela yoochuwela, Namarokolo ayeleela.
Ahaawelaka ophiya okhomoni, ashinama yaanoopa makuphi enyakulaka, yaamoonaaya Namanriya ari waamwiila, Namarokolo aanyiherya wi Namanriya
orimphiya.