Dwidwi na Sulo
Little Zebra Books
Gavin Thomson
Cinyungwe

Ikhalipo ntsiku ibodzi, Dwidwi na Sulo adapangana kuti akhathamange kuti mbani angadafika kamangu.

1

Sulo adabvuma aciti: "Iwepo umbafamba pang'ono! Uniyamba kufamba na mwendo uyu, uniima ndipo uniyamba na unangoyo. Iwepo un'dzafika cipo! Nin'kusiya kutali m'mbuyo. Un'dzandiphata lini!"

2

Adacemera bzirombo bzizinji ndipo bzidakhala pa kuyamba.

3

Dwidwi na Sulo adayamba kuthamanga.

4

Dwidwi adamoga aciphata m'cira wa Sulo.

5

Sulo akhathamanga, bzirombo bzikhaseka, bzicimenya m'manja. Bzikhakuwa thangwe bzikhawona Dwidwi kum'cira kwa Sulo.

6

Sulo pakubva kukuwa, adaima acikhala. Dwidwi adati: "Iwe leka kundikhalira padzaulu pangu! Ine ndafika kale-kale!"

7

Sulo adadzidzimuka aciyamba kuthamanga pomwe.

8

Pakufika kwa kumalizira, Dwidwi adati: "Leka kundikhalira padzaulu pangu. Ine ndayamba kufika."

9

Sulo alibe kuima pamwepo. Iye adathawa. Sulo adaluza. Dwidwi adakhala kuti atambire mabaibai.

10

Pakufika pakumalizira bzirombo bzikhamenya m'manja. Bzikhakuwa pakuwona Dwidwi pam'cira basi. Sulo adabva acikumbuka kuti Dwidwi afika kale.

11
You are free to download, copy, translate or adapt this story and use the illustrations as long as you attribute in the following way:
Dwidwi na Sulo
Author - Little Zebra Books
Translation - Little Zebra Books
Illustration - Gavin Thomson
Language - Cinyungwe
Level - First paragraphs
© African Storybook Initiative 2018
Creative Commons: Attribution 4.0
Source www.africanstorybook.org
Original source traditional folktale in the Elomwe language of Mozambique