Ozombura ozonguru ndakapita, ovipuka kavina vijari nomarama.

Avi kunguzuka.

Ovandu ombari nomarama, Maguru onga jandja omarama.

Eyuva rimwe, Maguru wamuna kutja majandja omarama kovipuka. Avanga kutja vikaondje.

Eye wevi raera nao.

Ovipuka avitja, "Marire otjina otjiua tjitwakara nomarama."

Aveimbura no kupunda mondjoroka.

Ovipuka avitja oko kuzeu okukunguzuka.

Avemunu omihamo.

Eyeva tjireja, Ovipuka ovingi vijaja koja Maguru.

Ongamero, Ongejama, Ondjou, Okapi, Okorongotela nou Zera wakurama moruteto.

Otjipuka atjihe tjapeua omarama yane.

Ouzera uapeua omarama yevari.

Pakara nombangu okuza nokupeua omarama.

Tjiva vari nondjorokanu tjiva avi uirepehi.

Vaja okukajarisira ovandu.

Ovipuka avitja, "Katuna okukunguzuka rukwao."

Omusenina moruteto jari engororo. Maguru apura, "Penomundu uarue kongotwe joje po?"

Engororo aziri, "Kako, owami omusenina."

Maguru eripura, "Eye omusenina. Metjitivi nomara ngujahupu?"

Maguru ajandja omarama kengororo ngujaseauapo.

Engororo rari nondjoroka. Atja, "Mesepo ovakuetu."

Engororo tji raja, Onjoka aija poja Maguru. Aitja ku Maguru, "Arikana ndjipao omarama."

Maguru atja, "Mbajandja omarama ajehe ove waripi?"

Onjoka aiziri, "Mbarara ezembwa."

Maguru atara kutja pena omarama pehi.

Eje kena wemunu.

Maguru atja konjoka, "Ndjisira kapena omarama janda." Onjoka jakunguzuka okujaruka konganda nokuhina omarama.

Okuza kejuvando, onjoka kairara rukwao tjinene. Undja okurira omutenga moruteto ko marama.