Monale nale mokahambo oka shona popepi noka mukunda oka shona.

Omwali mwa kala okayuhwa okashona.

"Mokukoka kwandje, onda kala nda hala okutuka pombanda, pombanda okuya megulu," Daisy osho ati.

Ndele Uuyuhwa awuhe ohawu mu yolo.

"Ndele ngweye omu kumwithi," yakwawo osho yati. "Itatu dhana wee nangweye."

"Daisy, atuhe otatu vulu oku papameka omawawa getu, ndele oshidhigu unene kuuyuhwa okutuka," Meme wee osho emu lombwele.

Daisy itavulu okusholola. Esiku kehe oha ningi omadhewo kuyemwene, ta papameke omawawa gee. Papa, papa, papa, ota papameke omawawa ge ashike itavulu oku za po pevi.

Manga taningi omadhewo, okwii dhiladhila tatuka a pitilila evule uudhila womaludhi ngaashi wootundila noonankumbinkumbi. Uudhila owiigidha ta wu ti. "Wooyi!" okayuhwaa keshi oku tuka.

Nani papama papama, esiku kehe Daisy ota papameke omawawa ge.

Okwa li ta tuka po pevi ndele oha gwile po natango.

"Itandi tuka wee!" Daisy ta lili pumeme gwe. "Ooyakwawo oye li mondjila."

"Daisy, ngweye owa yooloka ku yakweni. Yakweni inaya hala oku tuka ashike ngweye oweku hala! Oto shi vulu," Meme gwe osho ati.

Esiku lya landula Daisy okwa londo koshikuku shawo ndele ta papama, okwa papameke omawawa ge. Okwatuka aya mombada mule noku papameka omawawa ge noku ga papameka….

Ndwandu!

Uuyuhwa ukwawo owa yolo mokule. "Ha ha ha! Otweku lombwele uuyuhwa ihawu tuka!"

Esiku lya landula Daisy okwa londo puule, kondungu lela yondunda. Papa, papa, papa. Daisy ta papameke omawawa ge.

Okwa tuka ayi mule ndele ta papameke omawawa ge ndele ta papameke omawawa ge ndele…

Okwa tsikile okutuka! Ombepo kohi yomawawa ge oyaningi oyindji nokwa tuka okuya mule muule! Omankumbinkumbi nootundila oyati, "Oshikumwithi okayuhwa taka tuka!"

Uuyuhwa uukwawo owa li wahala wumufe.

Oya ti, "Ndele Daisy, ngweye owumukumwithi."