Ogu Mbisi.
Ezi Mbwa.
Mbisi noMbwa tava zegurura muvero. Tava paturura muvero gembo lyawo.
Mbisi noMbwa tava pwagamo membo lyawo.
Mbisi noMbwa tava gendi.
Tava gendi pongwena. Tava gendi pokatji koyitji. Tava gendi momusitu.
Makura tava ya sikama.
Mbisi noMbwa tava mono sidiviso. Tava mono sidiviso kositji.
Mbisi noMbwa tava tara ko sidiviso. Tava tara kononkango dopo sidiviso.
Mbisi noMbwa tava resa.
Tava resa sidiviso, 'takameseni kwa cape.'
Mbisi ta pura asi, "Nani yinke cape?"
Mbwa ta limburura asi, "Cape ndjafa."
Mbisi noMbwa kapi va mwene cape.
Makura tava zoro.
Tava zoro kosidiviso oso.
Tava zoro kosidiviso oso sosigova.
Makura nonkango tadili sinti!
Mbisi noMbwa tava resa.
Tava resa sidiviso.
'Takameseni kwa grape.'
Mbisi ta pura asi, "Nani yinke oyo grape?"
Mbwa ta limburura asi, "Grape enyango."
Mbisi noMbwa kapi va mwene grape.
Makura tava zoro.
Tava zoro kosidiviso oso.
Tava zoro kosidiviso oso sosigova.
Mbisi noMbwa ta tara kosidiviso. Tava mono maginyo kosidiviso. Maginyo taga lisinti mononkango.
Mbisi noMbwa tava gusa maginyo. Tava gusa maginyo nokuga zuguma maginyo ogo kwina.
Mbisi noMbwa tava resa.
Tava resa sidiviso, 'takameseni kwa ape.'
Mbisi ta pura asi, "Nani yinke ape?"
Mbwa tazi limbura asi, "Ape engwanza lyenene."
Mbisi noMbwa tava mono engwanza. Mbisi noMbwa tava like engwanza.
Engwanza enene. Engwanza enene sili unene.
Mbisi asi, "Duka!" Mbwa asi, "Duka!"
Mbisi noMbwa tava duka va ka ze. Tava duka va ka ze.
Mbisi noMbwa tava duka vatengure kembo lyawo.
Mbisi noMbwa tava zedire muvero.
Tava zedire evero lyembo lyawo.
Mba mba Mbisi.
Mba mba Mbwa.
Mba mba engwanza.
Mba mba maginyo.