Neina kapi nina kuza kosure. Eli epwizumuko!

Neina kapi nina kutara TV. Morwa kwato rutjeno.

Yinke nani rugana no?

Neina tani ka purakena korutu rwange!

Pomuhowo, tani ka mwena teete sili. Yipo ni ka vhure kupurakena korutu rwa nyamwange.

Nhi, ngesi kuna kuzuvha munku gwange.

Omu nina kuhesera gupwagemo nokuhwiliramo, gupwagemo nokuhwiliramo.

Kuvhura ni mwenekede mugono gwange gezogerero. Mweeena!

Nokuwowota. Mmmmmm.

Ngesi kuvhura kulizuvha ruhesero romutjima gwange.

Dumudum, dumudum, dumudumu.

Kuvhura nininke mutjima gwange guhesere unene nokuziguruka ndi?

Nhi, mokuvatauka keguru nepevhu yikando nomurongo mbali.

Ngesi tara nye, mutjima gwange kuna kuhesera usimbu-usimbu.

Nsene ni tura nonyara dange pepi nosikandeko, kuvhura ni zuvhe omu guna kuhesera mutjima gwange!

Ame kuvhura nili zuvhe nyamwange kuna kuzora.

Haha, haha, haah, haaa!

Ame kuvhura nili zuvhe nyamwange kuna kulira.

Naniee, nanieeee nanieee!

Ame kuvhura nili zuvhe nyamwange kuna kusakerera.

Pwaka, pwaka, pwaka.

Ame kuvhura nili zuvhe mezimo lyange kuna kuguruguga.

Gurugugu, gurugugu, guru.

Ezimo lyange kuna kutanta asi, "Lya!"

Ezuru lyange kuvhura li fumbwire yikuki yokukanga momasuga gonane.

Ano ngesi na hara kuzuvha nompanda dange kuna kutakinya oyo yikuki!