Eli esanseko lyoMutekuli nohambo zendi koyoyikorama yononsigwe.

Siwogedi kwedi kelipyakidiro kogoMutekuli nowovakwafi vendi pohambo ezi.

Mkite gomvhura zimwe yige gaya hova kuwiza po. Age kwamu retere netuwa lyenene lyokukurupa lyosinauhako.

Mute kumwe novakwafi vendi vafilire Mkite nkenda. Age kwa tongamene nokukara moruguwo.

Nye pausimbu, Mkite taya gwana nonkondo. Yiponga dana noyikorama yikwawo mohambo ezi.

Mezuva limwe lyaSiwogedi, etjeketjeke lyaya temberere pohambo ezi.

Mutekuli novakwafi vendi kwa dukilire ponze. Metjeketjeke kwa kere mo kanzonvhugona va dumukilire nguwo.

Age kwakere Ndiwa. Age kwa kere gepupi lyomazuva gatano. Mutekuli kwa mu zamwekesere nekende.

Nsigwe zautatu mokwedi oko kwa kere Malea. Age kwa wizire netere lyegeha pohambo ezi. Age kwa kere gepupi lyomakwedi hamboumwe.

Malea simpanda kwa ya kere ukwawo na Enkare, kanyatjigona. Nkenye apa ngava gendagura kumwe.

Masiku gamwe, nkenye gumwe ga pindukire apa gaya sikiire Ambia.

Ambia kwa kere gepupi lyomakwedi gatano. Age kapi ga kere nononkondo morwa nzira zonde.

Morwa ure wonsingo zendi, Mutekuli kwa zerwire ekende lyendi unene mokuzamweka Ambia.

Yetonge yomapange Abei naMoit kwa ya sikire mokatji kaSiwogedi. Edi nohonge kwa kere depupi lyonovili dongandi. Ado kwa verere sili unene.

Nkenye gumwe ya mu guvisire apa ga fire Abei konyima zosivike sapa gaya sikire pohambo. Nye Mutekuli novakwafi vendi va poperere Moit.

Nonsigwe dokuhulira da ya sikire mwaSiwogedi kwa kere Kopi Kepi naKeji. Vanyimegona ava kwa kere vepupi lyoyivike yivali. Awo kwa fire nzara apa va ya sikire.

Mutekuli novakwafi vendi kwa hara yikorama eyi, nampili ngomu asi ayo utwini unene.

Mukeke goutwini unene Lobolia. Loboliakwa kwa here kuhoroma momakende goMutekuli.

Vantu wopohambo ngava rugana unene mokutekura yikoramagona eyi. Awo kwa kara nehuguvaro asi ezuva limwe nonsigwe edi kuvhura dika litekure dene. Makura yipo di ze mowiza.

Mapupi nounzi wokuhura kupi? Resa esanseko eli hena yipo o limburure mapuro aga. 1. Yikorama yi ngapi ya wizire pohambo mokwedi kwaSiwogedi? 2. Sikorama ke saya sikire pomuhowo mokwedi oko? 3. Aso sina kara nepupi ke sene sikorama oso? 4. Yikorama ke yaya sikire moruhura? Mapupi ke ya kere yene yikorama oyo? 5. Yikorama musinke ya kere yoyinona po kusika mwaSiwogedi? 6. Mapupi ke ya kere yene oyo? 7. Sikorama ke sosikurona sa hovere kuya sika mwaSiwogedi?