Nhunhwa nEgongorokani kwa kere ukwawo. Nye nkenye apa ngava rumbasana pokatji kawo. Ezuva eli tava tokora kudana mbara yipova dive asi yilye mudani gomunene.

Awo kwa zire kosira sombara nokuvareka kudana mbara. Nhunhwa kwa kere zina gendere, nye Egonogorokani kwa genderere unene. Nhunhwa tazi sanga usimbu, nye Egongorokani tali sangere ure. Nhunhwa yipo za handukire.

Makura tava tokora kulisangera monopale. Pomuhowo egongorokani kwa kere mukwati. Nhunhwa azo kasangereremo mbara zimwe tupu. Makura tasi kara sikando sonhunhwa zikare mukwati.

Egongorokani kwa senge tali hwilida. Egongorokani tali lyalya kumwe nokusangeramo. Egongorokani tali zi tona nomutwe kumwe nokuhwilidamo. Egongorokani kwa sangereremo nombara ntano.

Nhunhwa kwa handukire morwa za zumbanesere. Azo kwa kere muzumbasani gomudona sili. Egongorokani kwa zorere morwa mukwawo zalyo kwayi tulire ngoyi yininke yoyinene.

Nhunhwa kwa handukire sili unene makura tazi zahameke kana kazoo unene sili kumwe nokumina Egongorokani.

Apa za zire nhunhwa kembo, tazi gwanekere nazinya Egongorokani. Nya-Egongorokani kwa pulire asi, "Nye ono mono munwange ndi?" Nhunhwa kapi za limbwilire. Ano Nya-Egongorokani kwa kere nosinka sili.

Makura Nya-Egongorokani kwa zuvhire kazwigona. "Vatereninge nane!" yimo lyazuvhikire ezwi olyo. Nya-Egongorokani tali tara tara nakunye nokupurakena nawanawa. Ano ezwi kwali zuvhire mezimo lyonhunhwa.

Nya-Egongorokani kwa zigilire, "Ruganesa unankondo woge munwange!"

Egongorokani kuvhura li nunkise edumba lyedona neretesopo elyungulyungu. Ano nhunhwa ta zi vere po.

Nhunhwa tazi iyoka. Tazi yi mini nokuyi fizamo hena. Tazi pembe nokukohora ngoso. Egongorokani kwali zuvhire unye.

Nhunhwa kwa kohwere dogoro tazi rusa mo Egongorokani.

Nya-Egongorokani nokanhunhwagona tayi radava yironde nokuka vanda mositji.

Kutanta siruwo oso, nonhunhwa mudima nomagongorokani kwa kara unkore.