Kateme yaatyama ku kyesuubo kye. Akyenda inho. N'ekyali ekisingayo obulungi ku isomero.

Kateme yaatandiika ekyensuubo kye. Yaaja einhuma n'emberi, einhuma n'emberi.

Kateme bwe yatandiika okwesuuba, ekyensuubo kyainhama emisinde egya ghaigulu. Mangu ago, yali nga ali kuntiiko.

Kateme okulinga ghansi ati, nga ali ghaigulu inho. Eeeee!

Yaayeta baine. "Mubone ghaigulu yendi!"

Yali musanhufu okubona nga ali ghaigulu. Nga asobola okubona ekyalo kyonakyona.

Yali ghaigulu oti binhonhi ebyetooloolera mu ibbanga.

Nga ghabiseewoku akaseera, Kateme yaayenda okwira ghansi. Ayenga ekyensuubo kikeyongerayo bweyongere.

"Oo, oo, oo! yaayeta. "Tiidi ngeri yakwemerezaamu kyensuubo kino!"

Ekyensuubo kyeyongerayo bweyongere. Kyaja ghaigulu bwe kiika era kabiri kityo. Kateme yaafuna okutya.

"Ekyensuubo kino kija kuntuusagha? Mpinza okutuuka ku mwezi. Kano n'akaseera nkifulumemu!" Yaalira.

Agho Kateme yaakifulumamu. Yaikirira okuva ghaigulu yaagwa ghansi.

"Oo, oo, oo!" Abaana abandi baalira.

Kateme yaagwa ghansi. Omutwe gwe gwakosebwa.
"Eeee, eeee, eeee! Yaalira.

Abaana abandi baali beralikirivu inho. Kateme nga takategeera nakyakukola.

"Eeee, eeee, eeee! "Yaalira.

Abaana baayeta omusomesa. "Madamu Jooyi, idha!"

Baamweta, "Kateme agwire aye yekosiiza omutwe gwe."

Madamu Jooyi yaaja ye kyensuubo. Yagema ku Kateme era yaakomba mu mutwe gwe.

Katema akamwenhu kaamugema, "Ekyo kirungi. Tikairayo ku kyensuubo ekyo zenka kabiri," yaakoba. "Tikaayenda kwirayo ku mwezi."

"Olunaku olundi ndha kuba niimwe ku kyensuubo kyaimwe, Kateme yaakoba."

Tusobola okuja niimwe ku mwezi.