Yaliyo omuguna eyasooka okulengera ekintu eghala ku nga tikitegerekeka.

Ekifaanani bwe kyasemberera omuguna, yaja okubona nga kya mukazi wa ndha nkulu.

Yalimuuku ensonhi aye nga mugumu. Omuguna ono yeyongera okusembera okumpi n'omukazi.

"Tuteekwa okumulabirira, omuguna ono n'okusalagho kw'abantu. Twidha kumukuuma."

Omukazi yali nga atuuse n'okuzaala. Buli muntu nga ali kwenda kumuyamba.

"Sindiika!" "Muleete amabulangiti!" "Amaadhi!" "Siiindikaaaaaaa!"

Aye bwe baabona omwana, buli muntu yaatuumira ere nga atiire.

"Ndogoyi!"

Aghoni olugero lwatandiika. Abantu abandi bakoba, "Tukobye tuti tukuume omukazi n'omwana ghe, era ekyo kyetube tukole."

Abandi baakoba bati, "Aye ate baja kutuleetera omukyeno!"

Omukazi yaja okubona nga asigaire kabiri yenka. Yaalowoozamu kyanaakolera ekimpenempene eky'omwana.

Yaloghoozamu mweene kyaneekolera.

Omukazi yaamala gaikiriza ati mwana ghe era yaakola nga mmaamma ghayo.

Singa omwana ono asigala nga mutono ati buli kintu kyandibaire nga kyandaghulo.

Aye ate akalogoyi kano kaakula okutuusa omukazi bwe yalekera okukabeeka. Akalogoyi nibwekaagezangaku kati nga tikasobola kwebisa nga muntu.

Mmaamma waako yaakoowa era yaakesinwa. Era nga olundi akakozesa emirimu edhebisolo byedhikola.

Obuteteegeera n'obusungu byaidhula akalogoyi. Nga tikasobola kuba oti muntu era nga tikasobola kuba katyo ni inhako.

Akalogoyi kaanhiiga inho, era lulala kasamba mmaamma waako yagwa ku itaka.

Akalogoyi kaaja okwebona nga kaswaire.

Kaalumuka emisinde mibitirivu nga bwe kaali kasobola.

Kaaja okulekera okulumuka nga obwire buzibye, era nga kabuze. "Hee haa?" kaakuba ekikoyi munzikiiza.

"Hee Haa?" kaakiramu. Kaali agho konka. Kaalambaala keefuniemu oti kapiira, endoolo dhaakatwala.

Akalogoyi kaja okuzuuka nga omusaadha omukaire akalingiriire.

Kaalingirira mu maiso g'o muzeeyi kaatandiika okuwulira eisuubi ely'okuyambibwa.

Akalogoyi kaaja n'omusaadha eyakeegesa obukodyo bunji obw'okwebeesagho.

Akalogoyi kaawulirisanga era nga keega, n'omusaadha yeena nga akeegeraku. Baayambagananga n'okweseka batyo.

Lwakya lulala, Omuzeeyi yakoba akalogoyi kamuniiniseeku olusozi.

Ghaigulu ku lusozi eyo kumpi mu bireri olw'obukoowu batenduka.

Akalogoyi kaaloota nga mmaamma waako mulwaire ate nga ali kukeeta.

Akalogoyi bwe kaasituka, kaabona nga ebireri bibuzegho ni mukwano gwako, omuzeeyi.

Akalogoyi ku nkomerero kaafuna eky'okukola.

Kaaja okwagaana nga mmaamma waako ali yenka era nga ali kulira okubula kw'omwana ghe.

Basooka beeringirira male beenwegera inho.

Akalogoyi ni mmaamma waako bakulira ghalala era baabona ebintu bingi.

Abantu be baali balimu nga batandiise okubamanhirira.