Eira einho, yaliyo omusiru ate omugayaavu Jakolo. Yali nga aba ni bbaabba we nga mukaire eranga baba mu nsiko.

Mu nco, bbaabba gha Jakolo yaawuuna munco okwagaana nga mutabani we alambaire mu kasana. Yali akaali kuyiisa mmere ate nga n'embuzi nga dhikaali kukisibo! "Mwana wange nga oli mugayaaavu! Ja ofune omukazi. Oli mukulu nze okulabiriranga," bbaabba we yaamukoba. Agho Jakolo yaasituka era yaatwala embuzi kunsiko.

Mu nsiko eyo, yaabona ekintu ekimirimiina kwibaale. Yaaja kumpi ni ghe kyali. Ghe yakoma okweyongerayo, okumirimiina yekwakoma okweyongeramu. Ate nga ono neyali mukazi we!.

"Nga oli mulungi, "Jakolo bwe yakoba wandhuba. "Aye niiwe ani? Lwaki oli ghenka?" "Ninze wandhuba,"ekitangaala kyamwiramu. "Ab'endhu yange bandeka ghano bwe baali nga bali kuvaagho. Tibaayenda kumbeeka kuba ndi musu inho.

Jakolo yaakoba, "Aye nga onherengeta bwaigongolo isene! Ndha kukubeeka. Ndha kukutwala bbaabba akuboneku." Kale, osobola okumbeeka. Aye totoma nga ndikwoca inho," wandhuba yaakoba.

Agho Jakolo yaabeeka wandhuba kumugongo gwe era baakulembera olw'eka. Nga akaseera kakaali kubitawo, wandhuba yali nga atandiise okwoca Jakolo. "Aye onaava kumugongo gwange? ndi kwenda kuwuumulamuuku," Jakolo yaamukoba. Omugongo gwe gwali nga guyiire nga takasobola nakutambula.

Agho Jakolo yaabona ekikonge ghagati mu kajira. Yaakibitamu ghansi nga ayenda wandhube agwe ghansi.

Aye ekikonge kyamukulula bukulule kyalekaku ekitundu ekya wandhuba.

Agho ekitundu ekyasigalaku kyafuula omubiri gwe nga gucuuse. Erangi edh'endhawulo edha mussigalaku nga dhimwidhukiza obutaba muwunvu inho kabiri.

Olufumo luno lwategekebwa mu mwaka gwa 2005.