Era einho, abaghala baajanga okugherera enku olweigulo.

Abaghala basatu baaja okugherera enku aye nga akasana kangi inho baasalagho baje beewugeku.

Baaja opkola bati nga obwire bujiire olwo baayangugha okwirayo eka.

Baali bali kumpi kutuuka omughala owundi yaaja okugema munkoto ati nga yeerabiireyo ekinere kye. Yaakoba baine bamwizeeyo.

Abaghala abandi baadheema okumwizaayo era yeerayo yenka aye obwire bwamuzibiraku eyo enjira yaamubulaku.

Bweyalinga ati emberi nga ekitangaala kiri mu kayumba, Yaajayo yaakonkona.

Ekyamweghuunhisa n'okwagaana wambwa nga aigwiregho olwigi era yaamubuuza ati, "olikunoonhia ki? Omughala yaamwiramu ati enjira, "n'embuzeeku"

Wambwa yaamukoba ati nfumbira aye omughala yamukoba ati nze tifumbirwangaku wambwa.

Ekyo bwekyagha wambwa yamukoba ati, "ndhalira obuliri"

Buli lunaku yali ali n'okwalira wambwa obuliri n'okumufumbira.

Nga wambwa yankavaawo ati, omughala yafuna enviiri isatu, olundi yaaluta ghansiiaghobuliri, olundi kulwigi olundi mukyayiro, meni yaalumuka paka ghaka.

Wambwa bweyaira yaayeta ati, "mughala iwe. mughala iwe. Mughala wooo?

Wambwa yaakizuula nti omughala amusaliire amagezi. rea yaataaku embiro okuja kukyalo ekyomughala aye yayagaana nga bamulindhiriire n'emiigo.