Aabawo khaalekho, yabawo baalebe be muungo mutweela abe babamenya nga baasangaafu.
Abe sibasoolanakho ta. Baayeetatsaka naabi basaali baabwe muungo ni mu mikuunda.
Ne shonyene ndi abe sibafukiilisibwakho khukhwisyeendakho aambi ni kumulilo ta.
Abe bali ni khuukholatsaka kimilimo kyaabwe mu shilo mwonyene.
Lwekhuuba baabuumbibwa khukhwaama mu buwuula!
Ne mutweela khu basooleli abo wewotooma naabi khuutsyakho ibulafu mu muumu.
Ne lutweela khukhwiwotooma khuno khwaabiririra naabi. Babaandaaye baamureewura.
Ne byaba byaabirire khaale! Nga waamalile khaale khuuyengukhakila mu muumu kukwaba kwaabilile.
Basooleli be buwuula babaramile baawulila kumutaambo, khuubona nga waandayaabwe ayengukhaka awawo.
Ne baafunayo shishambaaso shishiindi. Baryo baawumbaka buwuula bubuyengukhakile tsana, baabuwumbamwo khanywiinywi.
Baayila waandaayabwe khanywiinywi tsana khu lukiingi luleeyi naabi.
Nga inyaanga niyarura, waapamburukha waatsya nga eemba mu buwaanga bwe kumutikhinyi.